兒童節@迪士尼晚會

買左 2 年全年通行證都唔覺有咩著數可言,  最抵係頭一兩年續會送一晚迪士尼酒店, 而家得折頭住酒店都唔夠化算!  又舊年可以免費帶 1 個朋友入樂園, 今年要額外俾 $80 先入得, 真係越來越唔平!!  我地唯有當佢樓下公園咁多次進出玩多幾次抵銷入場費啦, 不過其實入到樂園都仲要消費, 爆谷熱狗汽水唔平架!  

香港迪士尼今年成立 5 周年, 竟然為我地呢 d 有 pass 既會員攪晚會!  係某幾個指定既晚上, 放完煙花可以留係樂園玩多 2 個鐘!!  競爭都好激烈要網上搶飛, 俾我搶到兒童節呢晚!!  正呀, 放假有節目!!  

小慈小明仲細唔可以由朝玩到晚, 今日等佢地食飽飽瞓醒晏覺叉足電先入樂園玩, 弟弟學識左睇路牌, 佢自製 "望遠鏡" 搵緊 Mickey 頭

話就話有 21 度, 不過今日天陰大風都係著番件衫先

樂園好多人, 我地去探險先

弟弟最鍾意去泰山樹屋聽 BB 泰山俾花豹嚇到喊既叫聲~~ 啊丫牙丫啊牙~~

小慈好開心

同爸爸一個餅印

好在弟弟有 D 似我

4 月之星小慈梗係要戴番個生日牌啦

食住薯條離遠睇仙子亮燈同埋煙花, 呢邊有櫈坐又近巴士光年射槍槍, 爽呀~~

晚會開始, 好多迪士尼朋友出黎同大家見面!  美妮著得好靚, 小慈超開心~

弟弟都好鍾意, 影完幾張相都唔捨得走, 係咁 Minnie 呀!  Minnie 咁叫!

排隊同 Piglet 影相, 小慈認得佢係 Pooh Pooh 既好朋友

史迪仔 & 妮路, 我好鍾意佢地既雞蛋花

同大公仔影完相仲可以玩遊戲, 第一次玩小飛象完全唔駛排隊!!

巧遇同學仔澄澄, 佢大個小明 7 個月, 係小姐姐

小朋友有伴玩最開心

轉到頭暈既咖啡杯玩完一次又一次

2 個鐘其實好快過, 呢 2 個未夠 3 歲既小朋友真係好捱得, 手拖手慢步樂園

終於櫥窗前面唔再人頭湧湧可以影下相

不過都係時候要返屋企喇

不枉我地帶佢地去迪士尼咁多次, 小明接受訪問, 如數家珍數晒迪士尼 D 野出嚟

去片  小明的迪士尼

同場加映我唔係垃圾!!

去片  我唔係垃圾!

幾時睇番都笑!  弟弟真係超可愛 :)