小慈語錄

小慈每朝梳洗整齊後都會入房搵我, 佢好早就起身, 所以成日都叫我做 "懶豬媽媽", 又好自豪做我既人肉鬧鐘 ^^  今朝當佢入房搵我時我已經醒左擦緊牙, 小慈竟然咁樣講...

小慈: "媽媽!!  你咁早起身既?  你要等我叫你起身架麻!  快 d 返去瞓覺, 專心 d!!!"

XDDDD

臨瞓前睇圖書, 我叫小慈自己去揀一本我同佢講故事, 佢歡天喜地咁入房攞書, 好耐好耐都未出番黎, 我以為佢多心唔知揀邊本就冇催佢!  隔左一陣, 小慈好似擔完泥咁既樣對住我, 苦瓜乾地說:

小慈: "媽媽, 我好辛苦先番到黎架!  我要一隻手攞圖書, 一隻手攞枕頭, 仲要扶住爛杆呢!  真係好辛苦呀, 媽媽....."  

我俾佢笑死!!  小慈係瞓上格床既, 圖書平時放係佢個床頭櫃方便取閱, 如果長放出廳一定俾小明肢解晒 D 圖書!  另外枕頭係佢命根, 閒來無事一定會攬住聞下, 行到邊都會夾住, 瞓覺一定陪伴左右, 難捨難離~

學校今日有派番幼兒藝術天地既作品 -- 可愛小龜帽

真人示範

小明都有學校作品派番黎