協恩 Fun Fair

今日應契女琳琳邀請去協恩 Fun Fair, 我真係十幾年冇返過母校!!  好懷念呢條斜路,  十年人事幾番新, 附近多左好多高樓大廈

依然都係黑線校名 (滴汗)

Chapel 呀~~   即刻想唱番首 He

以前既 Gymnasium 已經拆左, 改建為更加新穎既體育館及教學大樓

十年如一日, Fun Fair 依然有好多人參加!  我以前同 d 同學一齊攪 booth 往往由朝攪到晚, 搬竹油油起棚諗遊戲搵禮物, 身水身汗直踏一個星期雙手損晒, 講野太多叫到聲嘶力竭但情緒高漲!!  過程入面仲學識好多課本以外既知識 & 交際技巧, 所以係開心既!!  而家見到呢班小師妹, 咩感覺都番晒黎, 好親切~

小慈小明都好興奮, 小慈知道呢間係我既學校, 仲話好想入我既課室參觀添

我以前要看檔全日都冇行開過個 booth, 十幾年後先知道原來 fun fair 有好多好野食, 有 cafe, 入面仲有同學仔做 waitress 添??!!  兩隻衰豬要醫肚, 問佢地食咩, 一定答雞翼粟米冇走雞!

人山人海中終於見到琳琳姐姐

排隊玩攤位遊戲, 琳琳預備左好多 coupon 俾小慈小明

非常容易中獎

一定要幫襯 2B 呢個攤擋, 有熟人呀!!

妹妹 Jaymie 大個左好多!  我摸既第一個大肚就係佢, 而家已經亭亭玉立!  第一次上佢屋企探佢得 2 歲 3 個月大咋!

今年 Fun Fair 主題係萬國, 妹妹既 2B 班負責南非, 小慈在釣鑽石中

見到 Jaymie 媽媽 Joey 姨姨, 弟弟已經累極而睡

我仲見到以前教我 P.E. 既老師 Miss Cheng, 開心到我飛起!!!  Miss Cheng 完全冇變!!  頭上一條白頭髮都冇佢話係勤做運動既結果喎?!  咁神奇?

小慈要求畫面, 估係上次學校聖誕慶祝會, 我幫小明畫鬚引起哄動, 於是小慈要求畫番一模一樣, 攪到個姐姐唔識反應 XDDDD

三隻花面貓

小明本來撇鬚唔係咁樣, 只係佢怕痕郁來郁去姐姐畫唔到咋!

臨走俾我撞到 Miss Kong, 我 Form 1 既班主任

今日最開心個個係我   

I love and miss Heep Yunn  ^8^