再摘士多啤梨

小慈上次扮農夫伯伯摘士多啤梨超級開心, 即場已經問我幾時可以再去?  其後一見到生果就問我一次, 於是我答佢要等天氣冇咁凍, 仲要有太陽伯伯先可以落田, 太凍好容易病云云....  

今日, suddenly 天晴溫暖, 中午氣溫重上 18 度!!  真係難得既好天氣, 果然小慈就問而家有太陽伯伯係唔係可以摘士多啤梨呀?  我地一直都係言而有信既父母, 出發~~~~

你睇小慈開心到跳晒舞

小慈好似返左自己屋企咁係田入面來回奔跑

弟弟雖然咳到死死下都好開心, 大大聲聲咁同我講有 butterfly 呀, busy bee 呀, 狗狗吠吠呀

上次話剪士多啤梨, 實情弟弟係剪埋人地 d 葉呀, 花呀, 打橫剪左士多啤梨一下咁 @.@  今次有進步, 成功瞄準支莖剪落去!!

其實佢兩個返完教會再出街已經好眼瞓, 摘左半個鐘我地就閃~~~~~  

呢度都有 3 磅半, 承惠 $140, 今次係男老闆, 冇特別平俾我地, 佢話早兩日俾麻雀仔襲擊, 田入面最紅最甜最大既士多啤梨都俾佢地食過, 咬左一啖就賣唔出蝕大本咁話!

有興趣既朋友仔就幫襯下本地農場啦!