聯絡

工作堆積如山成日 OT, 覺得身心疲乏本來想退出唔做團契職員, 點知被人搶先一步, 加上 Gienna 移民職員真係買少見少, 唯有硬著頭皮繼續事奉, 不過我揀個較為輕省既位置做聯絡 :P  感恩的是, 我一應承做職員, 天父就俾我轉工成功!  希望新部門唔駛成日 OT 就好了!

今日就係一年一度助道部交替禮

呢度係我地既骨幹成員

環保, 今年程序表大家用 QR code scan, 呢張係小明 download 俾我架, 勁!

今朝有導師們獻詩

勁 band support

小明的撒母耳團, 今年隨住 Keynes 叔叔移民離開, 多左嘉麗姨姨幫手做導師!

我好鍾意既團歌

提摩太團新一屆職員, 歡迎 Anson 媽媽 ^^

大合照

聽從主命令得我主喜悅!

Toy Story 4

心血來潮想睇戲, 既然 7:30 am 已經醒左, 不如睇早場啦!  呢 D 提議通常都一致贊成, 不過呢兩隻慢世魔王都係要專車先攪得掂, 仲要預時間排隊買即場飛因為我唔肯俾手續費, 哈哈哈哈~~

開場前 5 分鐘都仲買到最後一行, 算係咁啦

今集最好笑係呢兩隻野

睇完戲大叫肚餓, 新出既咸蛋王醬點雞 ok, 不過就千奇唔好再飲麥當當既珍珠奶茶, D 珍珠真係唔識形容....

除左冇 Wifi, 夏天既惡耗應該就係冷氣壞左 @.@  好在只係開唔著廳既冷氣, 全線呢晒入我間房避暑

暑假正式開始!!!!

捨不得你

近來因為時局不穩及種種原因, 身邊好多朋友都話申請移民 / 返去邊度邊度...... 今晚, 我地要歡送親愛既團友錫仔哥/ 維維/ Keynes 一家了!

我地幫襯任食既倫哥火鍋

時間尚早, 好玩星球發作

按照身高收費, 小明當然係小童價啦, 可恨小慈身高險取 1cm 要俾大人錢.... 嗚嗚

梗係要同主角飲杯啦!

倫哥雞煲出場!  我地只接受到唔辣同 BB 辣咋, 食完雞煲先打邊爐

仲有刺身, 10 人份量真係幾震撼

有美食, 仲有可愛既培培, 氹得人好歡喜

 呢個係培培既招牌笑容

呢度只係一枱, 隔離枱未影到

Keynes, Gienna, 佑佑, 真係唔捨得你地呀!  希望你地一切順利, 將來再有機會一定要返香港呀!

最後一次返崇拜了

Keynes 的阿嫂 Annie, 係我同事, 世界真係好細架啦

最後一次返團契, 真係成個提摩太團都唔捨得你地啊!

團契人數增多, 小朋友又長大晒要分開兩枱先夠坐啦!

一齊玩左 10 年既玩伴

細小慈 2 個月既佑佑, 真係好唔捨得

May God bless and keep you whether near or far away!  Keep in Touch!

2019 才藝匯演

收到學校通告會在星期五晚舉辦才藝匯演, Form 1 必須出席之餘小慈亦有份表演, 我當然全力支持我個囡即刻報名參加啦 :)

近來公司忙到甩轆我竟然連入場券都唔記得帶要小慈幫我攞, 呢張紫色飛係 VIP 黎可以坐前排架

小慈俾入場券我時終於遇見爸爸既中學女班長, 而家係小慈初級團契既導師 Jess Lee, 世界真係好細

匯演準備開始, 小慈既合唱團獻唱排到最後, 佢話成班 Choir 係課室裡面玩 UNO

首先係鋼琴演奏

中樂團

好大支木笛 + 有型既師兄!

Orchestra 演奏 Canon in D, 好聽

Form 1 班際英語話劇比賽, 由 1D 班勝出今晚再表演多次, 真係幾好睇喎!

有聲好書聲演示範, 粵語同普通話也有, 好似電台廣播, 好犀利

男子集誦非常有氣勢

等左成晚, 小慈終於出場了!  唱 Remember Me

我坐第一行先可以影到小慈落台英姿咋

大合照

醒目的乖女識望我

學期尾派成績表, 小慈英文 keep 住考 20 名, 班主任明太話可以升讀英文精英班, 我真係喜出望外啊!!!  全級考 46, 攞晒 D 獎牌書券返黎, 我真係好開心啊!!

優點又有 5 個, 老師評語又好, 好叻好乖呀!!

學屆聯校籃球比賽丙組第 6 名都有牌, 真係非常有鼓勵性 ^^

Proud of You!

媽媽開心到即刻買禮物獎勵小慈!  雖然佢對於入精英班有壓力, 但媽媽相信係可以輕鬆做到!

小慈最主要係唔捨得一班同學, 我同佢講, 我同我班死黨除左 Form 1 之外, 之後未試過同班都可以做到好朋友, 冇關係的!  而家仲有 WhatsApp 咁方便, 點會 Keep 唔到 in touch?  小慈即刻放心晒!  即刻約同學仔上黎屋企玩

好感恩!  見到小慈適應得咁好, 讀得開心又輕鬆, 真係天父的恩典!!!