Kids@UST Part 2

又黎喇!  又黎喇!!  玩過返尋味呀!  我地又黎做科學家喇!

吸收過上次經驗, 我決定唔請假弟弟直接跟我返工, 仲可以早 D 嘆個靚早餐先上堂!

食飽飽就準備集合了, 可惜今日見唔到同學仔

先做科學家, 今次研究惡蚊!   Have fun~~

今日學識左原來蚊係睇唔到紅色同淺色既野, 所以宣傳短片教大家去戶外地方要著淺色既長袖衫, 唔好俾 D 蚊見到

用紅色既濾光鏡就完全見唔到紅色既部份, 即係蚊既視覺

弟弟仲自製左一支純天然蚊怕水, 好有滿足感, 咁叻仔請你食個板上燒啦!

近來被何紫同阿濃吸引住, 睇書睇到入迷, 完全唔記得手機

下午繼續上堂, 今次做數學家研究幾何圖形, 要「圖」出科大

關懷學生行動日?  我淨係見到 D 同學仔好暴力咁對待呢幾個不倒翁

弟弟話科學家好玩 D

上完堂仲識黎搵我, 最掛住都係呢部電動打字機

I love mama  最叻氹我開心 ^^

越打越興奮

又係一次唔錯既經驗呀!

卡拉永遠OK

放假了!!  復活了!!  小明今日只需要返半日學, 放學竟然同同學仔去阿拉屋企 :)

K lunch 真係幾抵, 12:00 唱到 3:30 包一個午餐及一杯飲品, $100 有找

其實今日係幫信盈洗塵, 佢由英國返左黎呀!

5 年級呢條分界線都幾明顯, 男仔有男仔一堆, 女仔有女仔一堆

咁多個人爭 4 支咪, 小明話佢唱得一首 PPAP 咋, 嚴重唔夠喉

我要返工仲冇得唱添啦!  羨慕得我.....

放學校服都未換就去玩, 絕對係一次新既體驗啦 :D

班主任結婚了

小慈至愛的小學班主任龔老師結婚了, 由未畢業預約到畢業, 足足等左一年先見證到呢個婚禮!

過幾條隧道, 第一次黎到聖瑪加利大堂

呢度好靚呀!

大家都好準時!  好在我堅持要小慈著裙咋, 唔係就失禮晒 :P

好有歷史古蹟既感覺

彼得呀!

呢個係保羅

小慈見到好朋友賀曦彤非常開心!!

同學仔陸續到齊, 不過 D 男同學唔敢入黎, 非常好笑

培基學生人數眾多, 教堂崇拜又未完, 於是開放小禮堂俾我地等候, 男孩子們見到乒乓枱一湧而上, 最佳既聯繫活動

終於見到 Miss Kung 了!  把握時間影張合照先!  Miss Kung 你好靚呀!!!!

入場了

好宏偉呀!

一班心急人

新娘子進場

話咁快就禮成!  恭喜黃生黃太 ^^

Long Distance 都可以開花結果, 由衷地替你們高興!

畢業生大合照!  你地真係好錫好錫龔老師, 畢左業都專登出席老師既婚禮, 真係好難得!

參加婚禮仲有禮物收

祝福黃生黃太白頭到老, 共同建立基督化家庭, 互相愛護, 互相支持!  愛是恆久忍耐又有恩慈 ^^

God bless you!!

公路死亡事件

成為 Up to U 一份子, 點都會有會員福利 :)  今次拉大隊一齊欣賞話劇, 教會仲有津貼俾我地觀摩學野, 雖然未知套劇講咩都報名睇先!

今日有 D 趕, 要等小明去完獅子會研究蝴蝶然後超快速食野再飛車出去葵青劇院, 好在有專業司機唔係真係攪唔掂啦!

一大班人, 遲到好樣衰架麻

攝影師小明

Miffy 姨姨仲專登黎同我地 say hi 添

故事講述三個學生時代的好友相約出走看世界, 可惜一直以來拖拖拉拉, 約左廿年才能實現青少年時許下的承諾, 但約好的 3 人行其中一個竟然攜同女友出席!?!  踩著旅行地雷, 老友之間反目成仇路上烽煙四起, 矛盾不斷升級之際, 一個 backpacker (背包客) 想坐順風車, 三人行之旅漸漸發展成五人行, 最後又怎會發生命案?

《公路死亡事件》Death on a Road Trip 梁祖堯 x 湯駿業 x 邵美君 x 黃呈欣

感想:

「本節目含不雅用語」真係第一次同小慈小明睇兒童不宜既節目, 操口橫飛呀 @.@  好在佢地都大個, 知道咩應該學, 咩野聽完就算!  所有事, 好同唔好我都會教, 免得俾人鬧俾人笑都唔知發生咩事丫麻, 當然學衰野係最上心啦!

我好欣賞呢套劇既演員, 佢地嗌交真係嗌得好流暢, 用詞好貼地, 聽到大家神經繃緊, 好想做炸兩勸交!  另外, 佢地用推理遊戲黎交代劇情, 唔知佢地邊句真, 邊句假, 聽到人好緊張!  先講出故事結局, 再俾觀眾/猜謎者去推敲背後既恐怖原因, 我係最最最最水皮既!!  推理勁屎架我 @.@  我仲有好欣賞舞台中間個條公路白界線, 真係好似自駕遊揸緊車, 好逼真, 唔睇到最後亦都唔知舞台架車係真既, 真係揸得架!

又一次大開眼界!