2019 才藝匯演

收到學校通告會在星期五晚舉辦才藝匯演, Form 1 必須出席之餘小慈亦有份表演, 我當然全力支持我個囡即刻報名參加啦 :)

近來公司忙到甩轆我竟然連入場券都唔記得帶要小慈幫我攞, 呢張紫色飛係 VIP 黎可以坐前排架

小慈俾入場券我時終於遇見爸爸既中學女班長, 而家係小慈初級團契既導師 Jess Lee, 世界真係好細

匯演準備開始, 小慈既合唱團獻唱排到最後, 佢話成班 Choir 係課室裡面玩 UNO

首先係鋼琴演奏

中樂團

好大支木笛 + 有型既師兄!

Orchestra 演奏 Canon in D, 好聽

Form 1 班際英語話劇比賽, 由 1D 班勝出今晚再表演多次, 真係幾好睇喎!

有聲好書聲演示範, 粵語同普通話也有, 好似電台廣播, 好犀利

男子集誦非常有氣勢

等左成晚, 小慈終於出場了!  唱 Remember Me

我坐第一行先可以影到小慈落台英姿咋

大合照

醒目的乖女識望我

學期尾派成績表, 小慈英文 keep 住考 20 名, 班主任明太話可以升讀英文精英班, 我真係喜出望外啊!!!  全級考 46, 攞晒 D 獎牌書券返黎, 我真係好開心啊!!

優點又有 5 個, 老師評語又好, 好叻好乖呀!!

學屆聯校籃球比賽丙組第 6 名都有牌, 真係非常有鼓勵性 ^^

Proud of You!

媽媽開心到即刻買禮物獎勵小慈!  雖然佢對於入精英班有壓力, 但媽媽相信係可以輕鬆做到!

小慈最主要係唔捨得一班同學, 我同佢講, 我同我班死黨除左 Form 1 之外, 之後未試過同班都可以做到好朋友, 冇關係的!  而家仲有 WhatsApp 咁方便, 點會 Keep 唔到 in touch?  小慈即刻放心晒!  即刻約同學仔上黎屋企玩

好感恩!  見到小慈適應得咁好, 讀得開心又輕鬆, 真係天父的恩典!!!

浸會園 2019

每逢五一、七一、十一, 提摩太團都會有 D 攪作, 今年我地 encore 浸會園呀 ^^

大家都好積極參與, 今次呢團有 26 人, 仲有第一次參加既柯先生, 靖僖同 Wilie 叔叔

入營了, 靖僖全程都跟住小慈姐姐, 拖晒手手好溫馨

蝴蝶大使發現蝴蝶!  係美鳳蝶黎架!

等緊房鎖匙之際, 小朋友梗係玩住等啦

一個小皮球都可以玩到好激烈, 你睇小明玩到凌空飛起 @.@

分發營刊, 好精美呀!!

由小慈 4 歲到而家, 我地與提摩太團弟兄姊妹相處了 9 年了, 小朋友們一起長大

呢間 16 號房真係要介紹一下, 佢係 8 人營舍, 但入面有 4 間雙人房 5 個廁所 1 個大廳!!!  下次一定要再 mark 實呢間房

大家安頓好行李就開始遊戲時間^^

遊戲一, 鬥入得多銀仔但又唔可以倒瀉水

就瀉喇~~~  好危險呀!!  你睇呢兩個小朋友幾專心

估都估唔到遊戲二係要去尋寶!!  完全唔想離開呢個冷氣房出去出面...... 哈

每組獲發地圖一張. 要解開右邊謎語先知道藏寶地點

我地郭宅一隊出發喇

尋寶途中俾我地有機會周圍影下靚相 :)

周圍都好靚

大草地

張 label 咁細張, 寶藏好難搵呀.....

將 D 寶物串埋, 正確答案就係 TIMOTHY LOVE!!  不得不讚 Keynes 叔叔設計得異常巧妙, 要上網先搵到答案知道正確位置再去該地方尋寶, 真係唔係咁易尋到 @.@

6:00 pm 食晚餐, 我地 3 圍真係好熱鬧

只要有小小時間空間 (最好有埋 wifi), 一定會見到呢個畫面

得意可愛既培培, 而家大個左要氹好耐先俾我抱

圍圈唱詩歌, 今晚晚會內容係每家人都用 同行 做主題表演

我地用沙灘上足印的故事來表現同行, 靖僖同 Wilie 叔叔一套父女裝已經表現晒, 正!

早食飯既好處係有機會食宵夜 :)

4 個媽媽同 4 個囡囡各自一間營舍仔, 今朝 7:00AM 起身, 我仲諗住過黎 morning call 呢班靚女, 點知囡囡營舍已經醒晒仲梳戴整齊, very good!

鳥語花香

早餐時間, 小明個樣咁眼訓因為佢話張床太舒服唔願醒喎, 豪宅係真係唔同 D

早上靈修時間, 大人全部留低學做文士抄聖經, 抄詩篇 63 篇, 一隻字都唔可以錯, 仲要寫得好靚真係好有難度, 太耐冇寫咁多字了.........小朋友都有另類活動, 跟柯先生去玩遊戲 我係熊 bear bear

自由時間, 有人選擇打籃球, 有人當然選擇打機啦

天氣實在太熱, 個個玩到濕晒沖多次涼先 check out

呢兩日真係唔知已經食左幾多條雪條

check out 時間與午餐時間有一段距離, 天氣又太熱打波會中暑, 大家唯有呢埋係小賣部食雪條打躉等夠鐘

我地仲去景點影下靚相留念添

主內一家

認住呢隻鷹

柯先生剛才 1:12 真係超厲害, 辛苦晒

唔捨得走既團友仔, 不停問點解個 camp 唔係 3 日兩夜

大合照

兩年前同一個地方, 原班人馬再加新力軍 ^^

你不會孤獨一人!

我們都是一家人, 因著耶穌, 成為神兒女!

太快完結, 好唔捨得, 又期待下一次既生活營!!