快閃雀仔街

考完三級試, 小慈升上四級中國舞, 練習時間比以前仲要早, 唔怕, 早睡早起身體好 :)

每個星期六都要帶小慈出去學跳舞, 返屋企都已經晏晝小明訓緊晏覺, 諗落我真係冇咩時間陪小明, 於是今朝我問佢跟唔跟我一齊出去?  小明梗係死跟啦 ^v^

時間尚早, 快閃一轉雀仔街先~  見唔見籠底有隻灰灰地色既雀仔反肚?  兩姐弟研究左好耐覺得佢就死好可憐, 於是跪低為隻雀仔祈禱希望天父醫治佢, 小朋友純真既心令人感動

呢個雀籠差 d 大過小明, 問佢想唔想入去住下, 弟弟竟然 say yes >.<

媽媽今日冇力行街, 其實弟弟只要同我一齊做咩佢都冇所謂, 於是去左公園玩

好想挑戰馬騮架, 但點都鼓唔起勇氣 fing 自己出去雙腳離地, 拍自己心口又深呼吸抖大氣都唔掂, 大叫: "我唔得呀!  好驚呀!  媽媽扶住我!!"  真係笑死呀媽 ^^  不過我都寧願佢知死識驚好過懶醒亂衝亂撞令自己受傷

玩到濕晒又變底衫男

小慈家姐跳完舞攰到飛起, 弟弟豪爽地還番對大脾出黎, 之前弟弟病時訓過小慈家姐大脾幾次, 佢記得架

看守既人都頂唔住訓左, 巴士係最好既搖籃  :)

好溫馨既場面, 為相親相愛既兩姐弟我常常感恩讚美天父, Hallelujah  ^8^

掛曆

兩姐弟一齊上畫班既好處, 就係同一主題既作品會有兩件 ^^

馬年掛曆, 依照馬既象形文字貼上輕黏土, 唔講真係唔記得出年係馬年

睇唔睇得出邊幅作品係小慈?  邊幅係小明呢?

可愛的小明

小明真係好可愛, 不單止語出驚人, 佢經常忽發奇想既創意, 真係令人笑到斷氣 >v<

呢幾張相令我諗起狗頭鍘  @.@

今日三父子都病左係屋企, 苦中作樂, 爸爸竟然將小明心愛既被被扮披肩

 我估佢覺得自己好靚仔

小慈家姐非常醒目地幫佢件披肩加入動力

玩玩下, 弟弟走入房羅左條攬枕出黎

佢話扮巴斯光年, 笑到我肚攣  >o<

虧佢諗到, 真係笑死人喇!

警犬技能比賽

某日行街見到警署掛左一條大 banner, 即刻上網 check 下係 d 咩, 依?  好睇喎!  竟然有 d 咁既野?  膽粗粗買飛入場

第一次黎將軍澳運動場, 小慈小明知道有得睇警犬好開心

今日節目好豐富, 12:30pm 開幕去到 4:35pm 頒獎

咳左成個星期既弟弟尋晚開始發燒, 食左藥頂唔住要訓小慈家姐大脾

本來仲諗住弟弟買飛黎呢度訓覺, 好在佢訓一陣就精神晒!  呢隻女警犬叫 Doddy, 就黎退休架喇

嘩!  呢隻一睇就知係惡犬要戴口罩, 旁邊既領犬員都咁重裝備, 普通市民唔好行埋去喇 >.<

同場其他攤位都有狗仔, 呢隻乖到我以為佢係狗醫生

好多遊戲玩

玩完有禮物

警署禮品廊有好多精品賣, 好得意

我地梗係要配合主題買 d 小警察同埋警犬返屋企

精彩既表現開始, 第一次見咁大規模既銀樂隊, 小慈話佢地 d 衫好靚

(所有靚相源自 SPCA Facebook 專頁, 我地坐係看台根本睇唔清楚佢地既樣呢)

步操好整齊, 仲要睇住譜吹住樂器, 真係好犀利

 呢兩隻都係警犬黎架, 多數由荷蘭入口, 狗種不單只限狼狗

話明警犬技能比賽, 主角梗係警犬啦!  服從比賽有指定動作同埋自選動作, 好好睇呀!

呢隻 7 歲既 Semmy 係今日既全場總冠軍, 實至名歸, 因為 Semmy 真係好聽話對眼冇離開過領犬員叫佢做咩就做咩, 我即刻問小慈小明會唔會乖過 Semmy? 聽晒媽媽話 :p

領犬員同警犬感情深厚, 情同親人

仲有明星表演賽, 呢個係小儀黎架

緝毒犬示範搜查毒品, 原來佢地搵到犯人之後唔會狂吠, 而係坐係個犯前面望實佢, 等警察搜出違禁品

同場仲有詹瑞文同大家玩遊戲, 佢真係好犀利講兩句野你就會笑

警犬攻擊比賽, 佢地咬住犯人係唔會放口, 俾人用棍打都唔放, 非常盡忠

是日最高焦點 -- 警察衝鋒隊示範

上演一場持械行刧, 有警車嗚嗚聲, 又有警匪駁火 bang bang 聲嚇到兩姐弟即刻掩耳, 警犬無懼鎗林彈雨飛出去咬犯人, 超精彩

第一次見呢 3 款動物車

愛護動物協會有流動車醫治動物同埋幫佢地做絕育手術

今日好開心, 我地帶晒 d 警察返屋企, 好安全呀 ^^

保暖泳衣

諗住游一個暑假小慈小明唔怕水就算, 點知小慈堅持冬天都要游水一定要學識 4 式為止!  眼見小慈家姐咁堅持, 本來想縮沙既弟弟不敢怠慢即刻話要繼續報名

好啦, 見你兩個咁肯付出, 買件保暖泳衣俾你地啦 ^^

話時話, 小慈上季已經學識自由式游到一個直池, 今季而家學緊背泳, 姿勢美妙

弟弟都已經甩晒 D 龜背書包, 攬住浮板向天踢緊背泳對腳, 因為程度不同兩姐弟要分開上堂, 暫時呢組最細係弟弟, 至矮個個就係佢, 轉左教練姐姐教佢開心好多

每次最爽就係臨落堂可以跳水, 影到弟弟撲水前一刻, 好攪笑  :)

著住對拖鞋行過洗腳池, 拖鞋不受控制甩腳偷走, 兩姐弟笑到停唔到 ^^

你地開心, 爸媽放心  :)



小慈小二旅行

尋晚先夜訪迪士尼 12:00AM 先訓, 今朝小慈 6:00AM 就醒左, 皆因學校去旅行!  我估如果唔係去完迪士尼太攰, 小慈係會訓唔著個隻  >.<

好興奮, 因為可以帶細書包同埋著自己既波鞋, 如果唔駛著校服會仲 HIGH!  小慈個班已經分左幾組, 佢個組有 4 個人, 有人負責帶地墊, 有人帶魚蛋腸仔, 小慈負責帶三文治同棉花糖

旅行地點係小慈熟到爛既大棠荔枝園, 照返學時間返學放學, 即是佢地逗留既時間好短

左邊呢位小朋友就係讀書超晒班既女班長 Alicia, 小慈係隊尾

繩網竟然咁都唔倒塌, 好堅韌! 

牛 BB 又大個左喇

上次我地去既荷花池仲係慘不忍睹, 而家幾靚 ^^

小慈話佢今日好開心, 同同學仔一齊係唔同既, 佢買左套票, 可惜唔見左張飛冇得撈金魚, Iris 撈到兩條仲一齊幫佢地改名, 最後決定叫 "大眼仔同細眼仔", 仲有老師唔俾佢地坐牛車同埋騎馬, 但同一日有間幼稚園都一齊去旅行佢地仲細個老師都俾, 有 D D 唔開心, 我話點同呢?  小學一班最多咪 2 個老師跟, 一班 30人, 幼稚園老師主任校長姐姐家長咁多人一人只係跟幾個甚至只係照顧一個小朋友咁安全先可以坐牛車騎馬啦~  小慈先釋懷  :)