連放幾日公眾假期, 爺爺返左鄉下, 大家不約而同約嫲嫲出街食飯, 怕佢一個人孤單 :) 要搵間餐廳一家大細有老有嫩都岩食真係一 d 都唔容易, 我地今晚食日式火鍋
簡單開心的一天
買左 2 年全年通行證都唔覺有咩著數可言, 最抵係頭一兩年續會送一晚迪士尼酒店, 而家得折頭住酒店都唔夠化算! 又舊年可以免費帶 1 個朋友入樂園, 今年要額外俾 $80 先入得, 真係越來越唔平!! 我地唯有當佢樓下公園咁多次進出玩多幾次抵銷入場費啦, 不過其實入到樂園都仲要消費, 爆谷熱狗汽水唔平架!
香港迪士尼今年成立 5 周年, 竟然為我地呢 d 有 pass 既會員攪晚會! 係某幾個指定既晚上, 放完煙花可以留係樂園玩多 2 個鐘!! 競爭都好激烈要網上搶飛, 俾我搶到兒童節呢晚!! 正呀, 放假有節目!!
小慈小明仲細唔可以由朝玩到晚, 今日等佢地食飽飽瞓醒晏覺叉足電先入樂園玩, 弟弟學識左睇路牌, 佢自製 "望遠鏡" 搵緊 Mickey 頭
不枉我地帶佢地去迪士尼咁多次, 小明接受訪問, 如數家珍數晒迪士尼 D 野出嚟
去片 小明的迪士尼
同場加映我唔係垃圾!!
去片 我唔係垃圾!
幾時睇番都笑! 弟弟真係超可愛 :)
屋企樓下無端端出現左一架消防安全巴士, 吸引左大批小朋友圍觀, 我地都趁熱鬧入去玩下先 :)
呢個宣傳方法好好! 記得定時再返黎呀, 我地會失憶唔記得點樣求生架!
由一個暑期興趣班開始, 冇諗過可以一直學到而家, 仲認真到有制度可以參加國際考試! 考試內容導師淨係話考 10 組動作, 全部上堂學過晒, 所有小朋友都冇問題先會邀請佢地考試, 照番平時上堂咁考就得架喇, 冇野要預備, 當然考試個日唔好病咁話!
Da La~~ 2 月中舉行考試, 張證書要游 4-6 個星期返英國再游番返黎, 所以今日先知成績! Yeah! 叻女呀小慈, 最開心係佢上體操班上得開心, 考試成績係其次 ^^
日日運動身體好! 小慈小慈做得到!
