兒詩生日會

每次獻完詩, 兒童詩班都會開生日會「慰勞」一班小朋友, 今日慶祝 4-6月出世既, 小慈係其中之一, 亦都係佢最後一次係兒詩慶祝生日, 7月就會升上初級詩班, 所以今日幾大都返去  :)

生日既小朋友請出黎領取生日禮物

又有遊戲玩, 又有 May 姨姨親手煮既野食, 好好味呀!

小明就最鍾意 d 「魔鬼手指」

幾年間, 兒詩已經由 12-3 人既團隊發展到 30 人喇!!  教會生養眾多, 好勁!

新力軍, 加油!  加油!!

母親節

今日母親節, 全家都早起返教會獻詩, 兩姐弟好精靈, 一早就神神秘秘要送禮物俾我

呢個彩虹盒入面有頸錬又有全家簽晒名既母親節咭, 好有心思啊我既寶貝, thank you ^8^

準備獻詩了

兒童詩班在母親節特別獻詩原是傳統

今日獻唱兩首歌

媽媽既希幔詩班都唱一首, 呢度係翻譯既歌詞

小朋友們獻花俾在場既所有母親

小明獻花俾婆婆, 怕怕羞羞咁

我係台上遠觀佢地

多謝我既小寶貝

夜晚一家人一齊食日式放題, 油尖旺區今晚傾盆大雨, 好多年冇試過呢

不過無損大媽媽既心情

今日都係姑媽既正日生日, Happy Birthday to 姑媽 :)

郭女氏們合照, 小慈竟然係似小時候既姑媽

咁高興整支熱清酒, 每人 $20 任飲

繼首先鍾意食三文魚, 跟住到燒鰻魚, 今晚發現燒多春魚係非常好食的

小慈同昊昊玩天下太平

話唔想畫花張紙, 於是自創一人畫一張, 贏左就點猜輸又點, 兩表姐弟玩左好耐

兩個人既遊戲又冇小明份, 於是自娛畫下畫, 一家四口變 5 個人因為中間個個係 Vicky 姐姐

母親節快樂 ^^

今日收到好多 Whats App 圖片, 最有意思呢兩張

I miss you, Mom

潮流興

潮流興做織女玩 Rainbow Loom, 我呢個呀媽不為所動, 估都估唔到由呀 Sir 引入, 架生齊全

小慈女話媽媽鍾意藍色, 揀左深藍淺藍同白色黎襯

小慈話用手方便過用鈎, 睇住佢用手指鈎左半個鐘我都覺得手痛, 但呀女好有毅力要完成真係唔好意思叫停佢

係送俾我既母親節禮物 ^^

物輕情義重, 仲有個盒仔裝住

非常之有媽媽心, 乖女

UNO

勁攪笑呀!  偶然發現呢副特大版 UNO, 笑到兩姐弟 C C 下

比正常版大一倍, 甩牌甩得特別高興 ^^

好玩好玩!

默觀花茶

跟教會去退修, 好耐未入過班房喇 ^^

今日靈修既題目係 -- 默觀花茶 -- 好有深度

成個班房鴉雀無聲

我個杯叫 "好事成雙", 由一個心形波波, 加水, 漸變出兩個花球, 好神奇

大自然既一切真係好神奇好奧妙, 一班弟兄姐妹一同分享彼此祝福亦好喜樂

能夠有咁安靜既靈修時間, 全靠保姆曉華姐姐, 辛苦晒~~

仲有弟兄義載我地出入呢!  照顧週到真係好幸福

你睇弟弟幾嘆  :)

夜晚我地仲去大尾篤燒烤王 BBQ

小慈小明落力幫手透爐, 鼓起泡腮笑 c 街坊

 急不及待既小朋友

另類提摩太戶外週 ^^

我覺得呢度好似執過黎, 環境企理左, 食物美味左

仲有師傅幫大家大量燒野食, 如果自己唔想燒, 出去夾就有得食, 岩晒我地呢 d 有小朋友既家長, 4 隻手真係唔夠快餵飽佢地架

弟弟今晚做左蜜糖專員

佢真係好好笑, 每次搽蜜糖都一定要叉腰

叉住腰咁搽 d 蜜糖先好味喎

食飽飽去玩, 呢個爛地公園都執過黎, 好玩左!  可惜旁邊既小小動物園今日冇開, 弟弟好失望

不過玩玩下又唔記得架喇, 同姐姐們玩到嘻哈大笑