Summer Camp Day 3

2 日 1 夜太短, 3 日兩夜都係唔夠皮!  攰呀, 我尋晚一上床就瞓到死豬咁, 佢地都攰, 唔肯再游水, 行下沙灘算啦

呢兩隻大蜆係小明尋日執既, 成晚咯咯聲今朝仲伸脷, 原來佢地未死 @.@

要放生!!  Sorry 呀蜆, 要你地乾左成晚, 你地而家回復自由架喇 :P

好大個蟹洞, 太深, 捉唔到

有晒心理準備我做全屋最矮個個!  小慈仲可以高多幾 cm, 弟弟要好好加油, 我有信心你至少有爸爸咁高架!

行一陣返營舍執行李, 兩姐弟向我展示傷勢!  長沙泳灘成個底都係蠔殼, 佢地話每次跌落水都好驚, 下次要著鞋先得!  所以今朝唔再游水了

小慈受傷位置差 D 著唔到鞋

行大運返去 4 人營

我去監督佢地 check out 時, 爸爸呢邊已經煮好早餐!  我地今次好叻呀, 將所有物資食晒, 預既份量剛剛好!

佢地仲話今朝打開個煲蓋就見到呢隻田雞, 真係笑爆嘴!!!  究竟佢係點樣入去既呢???  唔敢用個煲....

11:00 am check out 真係已經冇咩可以做, 呢番入營嘆冷氣

等負責人點算營內物品齊唔齊退回按金就走得

小明好想繼續留低啊

我今次入 camp 著短褲冇噴蚊怕水都冇俾蚊咬, 好奇一問原來成個 camp site 都燃點呢款其實俾豬棚用既超級大支野, 好 work 呀!  

小明細聲問: "咁我地咪係豬.....?"

Call 的士出東涌大約 12:00 都未肚餓, 搭屯馬線返到屋企附近先食壽司

自創口味 --  枝豆壽司, 正呀!!

Bye Bye 貝澳!!  今次真係好開心!  衝浪好好玩呀!  新技能解鎖!!