尋晚洗埋 D 碗先可以沖涼休息, 落床竟然瞓唔著 @.@ 估唔到冬天呢度俾寒風襲擊吹到嘭嘭聲, 夏天就係牛蛙大合唱, 跟住就係蟲蟲儀仗隊出場, 臨天光仲有無數咁多雀仔叫天光喇....... 冇瞓過
早 D 起身啦! 今朝有重要任務 -- 行大運去 6 人營叫醒小慈小明! 以前呢塊牛屎陣係捷徑, 點知而家變左沼澤, 水深到小腿, 唔敢行!
早晨呀, 龜龜! 唔知你係 Smith 定 Steven 呢? 食到成口草好攪笑
好多小白露在遠處, 仲有起多左間屋仔, 唔知又係唔係新 camp site 呢?
小慈報料俾我聽弟弟已經醒左係床上玩手機
佢地三個靚女 6:30 am 已經行完一轉沙灘返黎
今朝有大廚秋煮 8-10 人份既沙嗲牛肉通心粉, 淨係切呢堆蒜頭乾蔥都攪左好耐
我地都有幫下手混醬同洗碗架
牛肉攪左好耐先解到凍, 終於可以落穫了
呢班年輕人都有任務, 尋晚已經抽籤分左 3 組, 今朝就舉行早餐大賽!
小慈最有信心炒滑蛋
小慈同熙熙, 柏弦仲有 B 仔一組, 不停問我點解唔可以女仔一組, 男仔一組???
小明就同柏苗, 冬晴, Jackco 一組, 負責炒蛋炒到滴晒汗
身水身汗, 作品終於出爐!! 都幾似模似樣啊!
雖然有上家政堂, 但煮野食真係唔係女仔叻 D 架! 不過都叫做見得人, 唔地獄
弟弟都係揀食爸爸整既沙嗲牛通 XDDDD
小明與他最愛的牛牛
我地去左長沙泳灘呀
請教練教衝浪 Surfing, 一組 8 個人, 2 個教練
等緊開始
買左個有度數既泳鏡俾小明, 終於落水都睇到野喇
先講解塊板既結構, 再學習上板動作
大家都好努力學習
出海了! 只可以在浮波外滑浪, 所以大家逼埋一齊
塊板長 9 尺都幾重架!
2 小組等浪中
爬板
企直
YEAH!
又執番塊板出去再衝過
都幾需要體力架
到弟弟
弟弟差不多次次都成功, 好叻仔! 教練為佢震臂高呼!!
愛孩子的爸爸落埋水近距離同佢地影相
好有成功感呀! 弟弟姿勢最標準, 成功率又高, 好叻叻呀!
佢地有佢地衝浪, 我在海邊餐廳嘆個細 lunch 先! 今朝早餐仲好飽
玩到冇電, 終於識上岸抖抖
教練既一個小時好快過, 乘勝追擊再 book 塊板玩多一個鐘, 由秋秋充當教練
可惜秋秋得一對手推唔到咁多個
要掌握有浪既時間真係唔容易
不過佢地第一次玩已經非常叻仔叻女
開心!
夠皮了
第二晚既晚餐我地打邊爐, 個個都餓到扁晒
今朝既早餐比賽到左頒獎時刻!! 小明組榮獲最具創意獎 -- 現金獎 $100 由四位組員平分
冠軍係賣相最靚既小慈組 -- 現金獎 $200
分贓唔均, 秋秋充當唱錢機, 終於皆大歡喜
七小福難得人齊, 梗係要影相留為紀念啦! 話晒我地今次都當係 2 年一次既出國旅行架
大合照
飯後甜品由林氏夫妻炮製香蕉 pancake! 火熗加砂糖造焦糖, 好有型呀~
好睇又好味, 正!
to be continued.....
沒有留言:
張貼留言