康樂棋

細個去聖十架堂唱詩班, 佢地有康樂棋任玩, 每次練詩前練詩後都必定玩幾盤!  我真係好鍾意玩康樂棋, 眼界好準練贏男仔架!  弟弟六年級做領袖生看守 4 樓電腦室都有康樂棋玩, 見同學仔玩得多佢都學識左, 又話康樂棋好好玩!  細時阿媽都有買過一台康樂棋返屋企俾我同細佬玩, 篤爛晒 D 牆後來阿媽掉左!!  今日, 難得有 $2000 消費劵, 我決定買番一台康樂棋俾自己!!

當然最驚喜開心係小慈小明啦!  仲擺高難度 post 添!

而家康樂棋改良左好多, 有拉繩固定一放塊板上去就係平既, 非常方便!!  我細時開枱淨係攪呢三枝野平衡都要攪幾個字, 張枱仲要點都斜斜地

小慈原來未玩過康樂棋!!  初時俾弟弟數蛋, 好快已經掌握竅門 KO 晒我地!!

呢款 GOMA 康樂棋真係好型仔!!

開心!!  兒時回憶返晒嚟!!