宋皇臺站

等到頸都長, 屯馬線開通喇!!!  我地終於可以搭鐵路去九龍城!  咁岩佢星期日通車, 我地梗係趁熱鬧試下佢會唔會比巴士更快返到教會, 萬一追車尾時我地都有多一個選擇丫麻~

見到呢幅圖好感動, 完全唔駛轉車 7 個站就到

到左!!  感覺好快, 車程要 20 分鐘!

超多人

宋皇臺站 B3 出口就返到教會

都要行好多步先出到去

地鐵站內有得參觀古蹟文物, 不過我地趕時間又太多人, 下次先

出口資料, 應該會為九龍城帶來人流, 幫襯區內小店

記住 B3 出口

終於到地面

政府放寬宗教限聚人數至5成, 我地一家人崇拜終於可以一齊坐, 好多聚會都全面恢復實體, 我地提摩太團今日就開始!  弟弟寫板歡迎大家 ^^

大家都好耐冇聚埋一齊

4-6 月之星

第一次訂抹茶蛋糕感覺上冇咁甜

運動之星橋橋上左雜誌, 好叻叻呀!!  運動員生涯好辛苦, 好好加油呀!!

暑假教會都會舉辦好多暑期活動, 歡迎大家參加

升中四既小慈今年仲會去假期聖經學校幫手!  快 D 叫佢做小慈姐姐先 XDDD

希望疫情快 D 過去, 一切可以回復正常啦! 

結婚 18 周年

要 keep 架!  感情要 keep, 婚姻關係更加要常鮮!  一年一度結婚周年紀念當然要慶祝!  雖則呢個星期好忙碌地送機 / 慶祝父親節 / 應付考試, 我都係決定要大肆慶祝一下!!  有兩粒電燈膽話自己溫晒書要死跟, 係都唔俾我地過二人世界~~

諗左好耐去邊度慶祝, 佢地考試又唔想去咁遠, 弟弟提議去食 $10 生蠔!  不過疫情持續咁耐都唔知 D 舖頭仲係唔係度.... 依!  仲健在喎, 仲繼續有 $10 優惠, 爸爸又話搭程車好快, 於是出街喇!!!

除左 $10 一隻生蠔, 我地仲試均世界各地既蠔, 呢隻法國大(文)蠔超級好食!  半價真係好抵呀!

估唔到佢兩個咁識食, 我地今晚叫左 4 打, 一人食左一打真係爽爆!!!

要制止呢兩個小朋友唔可以食生蠔食到飽, 於是我地仲有叫其他美食, 冇黎咁耐呢度水準依舊, 正!

弟弟飛弗 Parma Ham

My favorite 鵝肝 

乖女要食牛扒

爸爸切 XDDDD  其實牛扒好諗唔好俾佢個樣握左

豬手好正, 不過我地超衰淨係食塊皮

好喜歡軟骨既弟弟小小都唔放過

餐廳送既紀念品

I love You 小熊熊

呢個唔係我嚟架!!

18 年呀, 老公!!  仿似昨日的事!  I love you still~

多謝面書為我地慶祝

雖然真係貶下眼就 18 年, 這段日子並不短

你是我生命中不可或缺的!!  Love you!!

父親大人

父親節快樂!!!  一早被洗版, 呢幅圖好得意!!

爸爸既瞓到自然醒係 6:30 am @.@  有位雞冠頭阿仔正在贈送父親節禮物

一日任用券!!  爸爸都係點左佢地沖茶同洗碗, 太錫住佢地了

教會送既父親節禮物, 好實用

文牧師今日既講題係 "愛. 管教", 先播影片 show 出父親在緊要關頭往往能危急生智勇救兒女, 跟住講左好多故事, 其中我好深刻係呢間大同酒家入面既呢對字畫:

大包易賣 大錢難賺 針鼻削鐵 只係微中取利

同父來少 同子來多 檐前滴水 何曾見過倒流

真係發人深省!  最後仲播出一段韓國既廣告, 喊死我了!!

https://youtu.be/iYbLAhYxVj0

有興趣聽文牧師講道可以去我地教會網頁聽番錄音

http://www.sbckc.org.hk/error_c.htm

親恩應該報!  我地今晚約左爺爺去食串燒慶祝父親節

招牌好靚

咩黎架?!  大庭廣眾, 衰公你想點呀???

原來只係包裝衰衰既濕紙巾 XDDD

任飲任食兩個半鐘都叫抵

好多野食噃

開餐!!

兩父子

廚神秋秋又上身 ^^  今晚發現孜然粉撈肉好好味呀!!

弟弟最鍾意食燒菠蘿, 食左好多串

仲有燒棉花糖同雞蛋仔

棉花糖大肚 XDDDD

我地今晚食左 105 串, 個爐唔夠位唔係燒得仲多呀!!

串燒會自己轉係好過癮既

父親節快樂!!