4 月壽星小慈囡問我有冇預備生日禮物, 依~ 咁直接既? 梗係冇啦, 日日都 work from home 陪住你地, 邊樹見我有時間出街買禮物俾你呢? 你生日係代表我最辛苦既一日, 應該係你買禮物孝敬媽媽咇你出黎添呀 :DDDD (哼哼唓唓啤啤聲此起彼落) 真係冇預備哩, 踏入青春美少女年代既你, 媽媽真係唔肯定你鍾意咩, 不如出街自己揀好嗎?
聽聞唔少店舖因為疫情嚴峻冇人流而執笠, 穩陣 D 我地去大型商場逛逛, 第一站去玩具反反城, 小慈唔夠 5 分鐘已經嗌走得, 只係呢個 Minecraft 架令佢停留左一陣咋
第二站去左 Log on, 仲以為佢會被精品吸引, 有 D 毛公仔都好可愛, 大個女仲識問我 budget 以為佢有心水啦, 點知睇均全場, 係有好多野好得意但又唔足以令佢地成為生日禮物
第三站去左龍貓店, 咁得意實買到喇掛?
依, 月份杯喎! 可惜小慈話 4 月個隻龍貓好醜樣.....
成棵樹都係手指公仔, 呢 D 係媽媽買俾自己既, 屋企既成員疊碼左好多 ^^
行左兩個鐘小慈都係一無所獲, 食個 tea 抖下先.... 老老實實, 小慈你究竟想要咩呢?
佢竟然係想要 D 實用既野, Headphone 呀! 要上 zoom 堂我地部電腦冇咪大聲又嘈住屋企人好唔方便喎.... 傻豬, 學習上要用既野爸爸媽媽一定會提供, 唔算係生日禮物啦
爸爸知道佢有幾鍾意 minecraft, 於是課金買左個 package 俾佢, 小慈開心到不得了!!
除左 Headphone, 我送多個藍芽耳機俾鍾意聽歌既小慈, 開心晒!
弟弟都要用 zoom 上堂, 買多個益埋佢, 成個電競選手咁, 好攪笑呀
14 歲, 真係大個女喇! 我完全冇估到帶佢行街竟然買唔到野! 行反反城直行直過個樣真係永世難忘! 好在我夠醒要佢自己揀, 唔係買左 D 佢唔鍾意既野就真係尷尬癌末期了.....
沒有留言:
張貼留言