4 月 4

4月 4日, 今日係兒童節加清明節, 不過係冇節日氣氛既, 亦經常唔記得今日係星期幾! 好處係今日公眾假期小慈小明都唔駛上 zoom 堂, 平時真係忙過返學架

小明 D 頭髮已經長到變成一個蓋, 成日自己同自己紮辮, 好啦, 乘機出街攪攪佢!  不過戴口罩剪頭髮係好辛苦架, D 頭髮碎係會入晒落個口罩度, 要逐條 meet 番出黎.....

無事出街少破財係真既!  敵不過兩位小朋友雙 cute eyes, 買左條清道夫返屋企, $10 就豪俾你地啦~

已經改名為 So So

限聚令生效, 唔可以多過 4 人聚餐, 枱與枱之間又要有 1.5 米距離, 入餐廳前要有口罩又量體溫, 食物未到你口都唔可以除口罩, 食完又要即刻戴番, 好嚴謹!  不過最重要都係保持雙手清潔, 呢部洗手機由出泡沫梘液到沖水到出抹手紙都計好晒時間, 好正呀!

攪好耐先可以除口罩

我覺得弟弟今次剪得好靚仔呀

食雪糕食到有兩行牙印

有 D 餐廳用隔板間開防止飛沬傳染!

隔板仲刻埋金句, 絕!

睇完再見螢火蟲再搵到劇中既水果糖, 特別有感覺

唔捨得返屋企又怕屋企得兩條魚 So So 會唔夠便便, 去小溪度撈魚

點知魚仔就唔見但有大量蝌蚪, 照殺!  數量多到弟弟用盒蓋都捉到

太多蚊天又開始黑, 要返屋企了!  偶遇貓貓

佢好少離開屋企咁遠黎我地呢邊架

貓貓最鍾意小明, 次次弟弟喵一聲佢就會自動行埋黎, 超乖

一包二包一盆兩盆咁返到屋企

小慈對養育蝌蚪好有經驗, 生菜要煮淋蝌蚪先食到

So So 要同魚仔相親相愛呀!  遲下希望撈到多 D 魚仔俾你下