寶貝囡生日, 留係香港都可以有好多好去處既, 直接問壽星女想點啦! 小慈話有好多地方都想去, 踏單車啦, encore 西園啦, 總之想特別 D 一家人一齊啦! 好, 既然爸爸媽媽都請左假就去遠 D 下! 左諗右諗, 我地決定去南丫島渡下假, 有外國 feel 似去旅行丫麻 :D 渡假梗係要 book 酒店啦, 第一次上網 book 香港既酒店, 又幾方便唔錯喎! 一切都落實, 點知天氣不似預期!!! 天文台預測黎緊 9 日都天陰落雨..... 唔好啦, 天父! 我地有好多戶外活動, 可唔可以淨係天陰但唔好落雨呀? 於是日日祈禱求足一個星期請天父俾合適既天氣我地.... 終於今日出太陽呀!!!
旅行梗係要早 D 出發先興奮啦, 我地去中環坐船去榕樹灣
早起的鳥兒有蟲吃, 碼頭冇人 ^^
之前已經專登同小慈一齊出街買生日禮物, 今朝呢位小朋友一起身竟然又問我攞?!! 我話佢唔應該咁貪心, 佢哼我話我呃佢
點解小慈咁醒目既呢? 我真係有買左份禮物正日先送既, 不過唔知佢鍾唔鍾意所以帶佢出街買 :P 弟弟都好有心, 想小慈家姐興奮 D 就收埋兩份禮物, 整左兩張提示紙要小慈家姐尋寶, 可惜提示太精簡, 小慈家姐攪左好耐都搵唔到, 差 D 出唔到門口 :DDDD
船程半個鐘, 呢個兩小朋友竟然係背包度取出人蛇
見到三支煙囪就到左南丫島喇! 天父真係好愛好愛小慈, 今日唔係天陰落雨之餘仲要出大大個太陽呀!!! 天父傾福予我們, 甚至無處可容!!!
好耐冇黎呢個地方, 跟指示牌行去洪聖爺灘, 沿路好似去行山一樣呀
行左十幾廿分鐘, 到喇!! 我地去酒店 check in 呀!
唔講你根本唔知道呢度係香港, 非常有渡假 feel, 我覺得我揀得好好呀! 小慈小明非常興奮
酒店未有得攞鎖匙但可以俾我地放低行李, 本來我打算繼續行山去索罟灣食 lunch, 點知呢兩位小朋友見到沙灘已經唔願離開, 好啦, 去玩啦!
好天到不得了! 我有好大感觸, 我地祈禱係應該要有信心, 個信心係要大到去沙灘就要帶埋太陽油, 泳衣同埋冰毛巾!! 點估到 4 月去沙灘可以落水先得架, 今日仲要有 29 度呀!
由細到大都係咁, 話去斟水, 斟斟下就全身入水, 濕晒.....
壽星女叫肚餓了, 就買野係沙灘開餐啦! 呢餐都百幾元架
洪聖爺灘有好多石縫, 石縫藏住無數蟹仔同不同生物, 好熱鬧
徒手都捉到
放心啦, 同蟹仔做完生物研究就會放蟹歸沙架喇
有鎖匙喇! 呢間酒店真係超級靚
以貓貓為主題
我地住頂樓, 小慈開門中
靚到嘩嘩聲~~~ 之前問過乖女, 你想一家人逼逼地瞓一張床定係分開兩間房? 小慈二話不說就話要一齊
我地間房仲要望沙灘架! 一杯 Mocha 唔該~~
佈置好精美, 拖鞋, 水, 咖啡茶, 蚊機都一應俱全
呢位玩到濕晒成身沙既小朋友當然要沖番個涼先啦
休息一陣又出發, 酒店附近都好靚
太陽就黎落山, 我地近近地行番去榕樹灣既風采發電站
冇咩人可以除口罩喇.... 差 D 窒息.....
見到喇~~ 見到喇~~ 壽星女已經一支箭咁跑左去
疫情關係, 風采發電站暫停開放, 影張相算啦
太熱要食支雪條, 貴出面一個 double, 搶錢
上埋去觀景台
呢度可以遙望海洋公園
超級多蝴蝶
周圍都冇人既感覺真係好開心
落山搵到亞婆豆腐花, 真係香滑清甜架! $13 碗, 好味
榕樹灣呢邊有好多特色小店
呢間係黃店, 仲要係基督徒開既, 梗係要大大力懲罰佢啦!
入得黎南丫島當然要食海鮮啦, 小慈要求食龍蝦伊麵, 因為佢淨係鍾意食伊麵, 留番晒 D 龍蝦俾我, 相當孝順, 一家人配合得天衣無縫!!
早食飯既好處係仲見到太陽, 合照都靚 D 呀
豐富的晚餐, 叫晒大家既心頭好, 大滿足
舢舨真係超超超好食! 食材新鮮, 煮功一流, 價錢合理, 推介~
夜了, 兩姐弟都決定返酒店休息唔去沙灘坐
娛樂組組長帶左 UNO 同啤牌同壽星女玩
好耐冇玩鋤大 D, 呢位新晉賭俠舖舖摸靚牌, 點夠你黎呀?!
有位小朋友要求玩呢樣玩個樣點都唔肯瞓......
原來等緊朋友仔 00:00 同佢慶生~~ 覆 message 都覆左大半個鐘, 開心晒 :D
Happy Happy Birthday My Dearest 小慈女~~~
沒有留言:
張貼留言