可惜後呔漏氣吹佢唔漲, 唔知邊度可以配過條呔呢?
對於將來仍然有許多未知之數, 我覺得 4月20日都未必開到學, 可能都係分階段上課, 中學生復課先, 但小學同幼稚園應該未必應付到. 隨遇而安吧! 當知道所擁有的一切皆非必然, 要好好珍惜, 心存感恩
2020年2月29日 星期六
2020年2月22日 星期六
近視
小學三年級, 小明 8 歲半 右眼 75, 左眼 175
健康院發現小明近視肥佬, 再去理大驗眼, 因鴛鴦眼嚴重所以一定要戴眼鏡
小學四年級, 小明 9 歲 右眼 150, 左眼 300
@@ 半年內近視已經深左一個 double! 用番個眼鏡框配副新鏡片唔好徙
小學五年級, 小明 10 歲 右眼 300, 左眼 350, 50度散光!
同學仔介紹去盲人輔導中心驗眼平好多, 又鑒於小明近視加深 double 上, 試配 $3000 的 DIMS 六角形鏡片眼鏡睇下可唔可以減慢近視加深既速度
升小六暑假, 小明 10 歲半, 右眼 350, 左眼 350, 散光 50
半年又深 50, 兩隻眼終於唔再鴛鴦, 但 DIMS 眼鏡作用未見, 再加上呢副鏡框經常令小明鼻樑位紅腫敏感, 唔想再半年投資 $3000 於是用番第一個框換番普通鏡片
小學六年級, 小明 11 歲, 右眼 425, 左眼 375, 散光 50, 75
過 400 度了..... 嗚嗚嗚~~~ 同朋友傾開偈發現除左 DIMS 鏡片, 亦有硬既隱形眼鏡戴住瞓覺去改變眼球形狀以減去近視 (好似種三角形西瓜既原理), 原來仲可以滴眼藥水減近視架 (發現新大陸)!!
小慈小六 11 歲半時 check 到有 75 度近視, 跟住中一 13 歲增加到100 度, 話開始睇唔到黑板於是配左一副眼鏡返學用. 鑒於小慈瞓覺定過小明又唔會瞓瞓下摔眼, 我就帶佢去試戴硬既隱形眼鏡, 希望改善眼球形狀連 100 度近視都冇埋咁就正! 點知小慈非常非常唔鍾意戴硬 con, 痛到不得了不停流眼水, 寧願一世人戴眼鏡都唔要戴硬 con...... 佢咁堅持我都逼唔到佢, 100 度就算啦!
為左弟弟, 我真係唔想佢一年一年咁深近視落去, 於是今日我就帶弟弟去見呢位可以滴眼藥水既林醫生, 聖誕時預約, 都差不多兩個月先 book 到期, 林醫生好爆啊
經過一輪檢查又放大瞳孔咁, 林醫生話弟弟而家戴緊呢副眼鏡只係同新度數相差 50幾 70幾度, 可以唔駛配過副, 用到 8 月再覆診. 至於眼藥水, 林醫生解釋話原先呢隻藥係俾初生 BB 驗眼用既, 份量 1% 可放大瞳孔 12日, 之後發現原來呢隻藥份量減至 0.01% 可以有效控制近視速度至每年 25 度, 效果當然因人而異啦! 所以弟弟而家可以試下滴 0.01%, 滴半年再睇情況
每晚睡前滴一滴, 30 支獨立包裝承惠 $500, 呢隻藥一定要由醫生處方, 出面藥房冇得隨便買架
除左滴眼藥水, 林醫生仲話有研究顯示, 每日戶外活動 40 分鐘都有效減慢近視速度! 戶外活動唔一定要做運動, 當然做埋運動梗係好啦, 戶外活動可以睇書 / 曬太陽 / 坐下 / 睇下風景咩都得, 總之就係要自然光, 唔要有瓦遮頭光管燈! 依~~ 呢樣做到喎! 特別係而家停課, 我地又有天台, 上去 40 分鐘咪得囉! 就算返左學, 林醫生話行返學放學如果有 40 分鐘路程都 OK!
林醫生仲話近視散光呢 D 某程度上唔係好關手機打機事, 好多時係眼球形狀既問題, 有 D 人係天生深近視既, 遺傳既, 某 D 人種如菲律賓人非洲人好少近視, 因為佢地眼球天生比較圓, 相對地冇亞洲人眼形長就容易近視! 嘩~ 真係長知識啊!
小明非常聽醫生話, 返屋企即刻做 40 分鐘戶外活動, 竟然係戶外瞓覺...... 真係俾佢吹漲, 你對眼呢? 冇用過對眼室內同室外有咩分別呀先生?!?!
我未做 lasic 之前都只係 325 度近視, 爸爸都係4百幾, 弟弟你唔好青出於藍得咁緊要先得架! 希望雙管齊下, 小明 BB 唔好變成一個 800 度近視, 除左眼鏡就等如盲左一樣既人啦!
健康院發現小明近視肥佬, 再去理大驗眼, 因鴛鴦眼嚴重所以一定要戴眼鏡
小學四年級, 小明 9 歲 右眼 150, 左眼 300
@@ 半年內近視已經深左一個 double! 用番個眼鏡框配副新鏡片唔好徙
小學五年級, 小明 10 歲 右眼 300, 左眼 350, 50度散光!
同學仔介紹去盲人輔導中心驗眼平好多, 又鑒於小明近視加深 double 上, 試配 $3000 的 DIMS 六角形鏡片眼鏡睇下可唔可以減慢近視加深既速度
升小六暑假, 小明 10 歲半, 右眼 350, 左眼 350, 散光 50
半年又深 50, 兩隻眼終於唔再鴛鴦, 但 DIMS 眼鏡作用未見, 再加上呢副鏡框經常令小明鼻樑位紅腫敏感, 唔想再半年投資 $3000 於是用番第一個框換番普通鏡片
小學六年級, 小明 11 歲, 右眼 425, 左眼 375, 散光 50, 75
過 400 度了..... 嗚嗚嗚~~~ 同朋友傾開偈發現除左 DIMS 鏡片, 亦有硬既隱形眼鏡戴住瞓覺去改變眼球形狀以減去近視 (好似種三角形西瓜既原理), 原來仲可以滴眼藥水減近視架 (發現新大陸)!!
小慈小六 11 歲半時 check 到有 75 度近視, 跟住中一 13 歲增加到100 度, 話開始睇唔到黑板於是配左一副眼鏡返學用. 鑒於小慈瞓覺定過小明又唔會瞓瞓下摔眼, 我就帶佢去試戴硬既隱形眼鏡, 希望改善眼球形狀連 100 度近視都冇埋咁就正! 點知小慈非常非常唔鍾意戴硬 con, 痛到不得了不停流眼水, 寧願一世人戴眼鏡都唔要戴硬 con...... 佢咁堅持我都逼唔到佢, 100 度就算啦!
為左弟弟, 我真係唔想佢一年一年咁深近視落去, 於是今日我就帶弟弟去見呢位可以滴眼藥水既林醫生, 聖誕時預約, 都差不多兩個月先 book 到期, 林醫生好爆啊
經過一輪檢查又放大瞳孔咁, 林醫生話弟弟而家戴緊呢副眼鏡只係同新度數相差 50幾 70幾度, 可以唔駛配過副, 用到 8 月再覆診. 至於眼藥水, 林醫生解釋話原先呢隻藥係俾初生 BB 驗眼用既, 份量 1% 可放大瞳孔 12日, 之後發現原來呢隻藥份量減至 0.01% 可以有效控制近視速度至每年 25 度, 效果當然因人而異啦! 所以弟弟而家可以試下滴 0.01%, 滴半年再睇情況
每晚睡前滴一滴, 30 支獨立包裝承惠 $500, 呢隻藥一定要由醫生處方, 出面藥房冇得隨便買架
除左滴眼藥水, 林醫生仲話有研究顯示, 每日戶外活動 40 分鐘都有效減慢近視速度! 戶外活動唔一定要做運動, 當然做埋運動梗係好啦, 戶外活動可以睇書 / 曬太陽 / 坐下 / 睇下風景咩都得, 總之就係要自然光, 唔要有瓦遮頭光管燈! 依~~ 呢樣做到喎! 特別係而家停課, 我地又有天台, 上去 40 分鐘咪得囉! 就算返左學, 林醫生話行返學放學如果有 40 分鐘路程都 OK!
林醫生仲話近視散光呢 D 某程度上唔係好關手機打機事, 好多時係眼球形狀既問題, 有 D 人係天生深近視既, 遺傳既, 某 D 人種如菲律賓人非洲人好少近視, 因為佢地眼球天生比較圓, 相對地冇亞洲人眼形長就容易近視! 嘩~ 真係長知識啊!
小明非常聽醫生話, 返屋企即刻做 40 分鐘戶外活動, 竟然係戶外瞓覺...... 真係俾佢吹漲, 你對眼呢? 冇用過對眼室內同室外有咩分別呀先生?!?!
我未做 lasic 之前都只係 325 度近視, 爸爸都係4百幾, 弟弟你唔好青出於藍得咁緊要先得架! 希望雙管齊下, 小明 BB 唔好變成一個 800 度近視, 除左眼鏡就等如盲左一樣既人啦!
2020年2月15日 星期六
爺爺 78 歲生日
爺爺 78 歲生日, 梗係要慶祝慶祝啦! 年年我地都會同爺爺出街食飯慶生, 今年鑒於疫情嚴重打邊爐都話中招, 我地決定係屋企食, 由大廚秋負責整番兩味 :D
爺爺鍾意食海鮮, 我地係街市見到有咩就買咩^^
今晚既菜式包括:
白灼東風螺, 蚵仔煎, 椒鹽魷魚, 咖哩魚蛋豬皮牛柏頁土魷, 煎豬頸肉, 蒜蓉辣椒炒花甲, 仲有炒時蔬兩大碟~~
其中以蚵仔煎工序最為複雜, 又要用鴨蛋又要用薯粉, 不過難唔到大廚秋啦!
乖仔乖女
仲有三個乖孫
錫啖先~~~~
呢張係 8 年前既, 你睇爺爺個樣霖到!! 呢張相簡直係經典呀^^
祝爺爺生日快樂! 身壯力健! 龍馬精神!!!
爺爺鍾意食海鮮, 我地係街市見到有咩就買咩^^
今晚既菜式包括:
白灼東風螺, 蚵仔煎, 椒鹽魷魚, 咖哩魚蛋豬皮牛柏頁土魷, 煎豬頸肉, 蒜蓉辣椒炒花甲, 仲有炒時蔬兩大碟~~
其中以蚵仔煎工序最為複雜, 又要用鴨蛋又要用薯粉, 不過難唔到大廚秋啦!
生日唔少得蛋糕, 爺爺今晚好開心, 眼仔碌碌幾靚仔 :D
乖仔乖女
仲有三個乖孫
錫啖先~~~~
呢張係 8 年前既, 你睇爺爺個樣霖到!! 呢張相簡直係經典呀^^
祝爺爺生日快樂! 身壯力健! 龍馬精神!!!
2020年2月14日 星期五
不一樣的情人節
今日係 2月14情人節, 今年我地要過一個非常非常特別, 不一樣既情人節~~
首先係有位小朋友無端端走埋黎遞隻牙俾我, 唔係送花囉 @.@
弟弟早兩日已經話隻牙鬆又痛, 我地仲估大牙有排都未甩點知就甩俾你睇! 又因為係大牙既緣故, 小明流血不止喊晒口! 好在屋企有雪糕, 食左幾十啖就冇事啦 :DD 幸好我繼續 work from home 可以見證到呢個特別時刻
2020 年一開始已經甩左兩隻牙, 而家總共甩左 10 隻, 距離甩晒 20 隻 BB 牙仲有一半路程, 要小心儲存所有牙仔, 我地有牙仔盒架 ^^
肺炎肆虐, 今年最渴望收到既花就係呢款 -- 口罩花!!
富貴 D 既可以加埋消毒洗手液送俾心愛既人
仲有"花籃"
呢 D 新興花束花籃係呢段非常時期真係好重要架, 大家都唔夠口罩唔敢出街, 出一次街仲唔大量入貨儲糧咩? 於是出現超級市場吉架既場面, 唔係一間, 係間間超市既米架廁紙架漂白水架都一定係吉既! 我地屋企得番 4 卷廁紙, 漂白水用晒, 口罩得番一盒, 本來諗住返教會就係九龍城買, 點知真係行晒成個九龍城既藥房都買唔到 (有 D 藥房直情大大張紙貼係門口寫住: 免問) @.@ 係有 D 傍惶既, 感恩天父看顧, 我身邊有好多好多天使~~ 有好姊妹出街時岩岩見到有貨車落貨即刻幫我買到兩條廁紙; 漂白水仲醒到出五金店買一桶成班人分; 口罩我上網訂左好多但都冇貨番, 全靠家姐同埋朋友既印僱姐姐幫手訂, 我舅父係美國知道我有需要又速遞左幾盒俾我..... 我真係好感動!!
我一直都相信香港貨源充足, 要咩有咩, 口罩就全球需求急增冇辦法 (我極欣賞李嘉誠先生及許多愛香港人士為香港人撲口罩, 以及王維基先生在香港設口罩廠!!), 但米呀, 廁紙漂白水清潔用品呢 D 必需品有咩可能冇? 之前 100 毛仲有打過電話去各大廁紙廠詢問, 間間都話夠供應的, 只係上唔切架, 又或者係未上架已經俾人買晒先出現吉架情形! 最離譜係唔知邊個話衛生巾既物料同口罩一樣可以防感染, 於是搶唔到口罩既人連衛生巾都唔放過..... 痴晒線! 我唔信有人真係貼塊衛生巾上面囉! 搶黎做咩? 搶晒, 真係有需要既人冇得用點算?!? 爭就唔夠, 分就有餘, 大家冷靜 D 先得架!!
呢 D 都係我身邊既天使幫我搵到既口罩, 令我由赤貧變成有錢佬, 亦都即刻有能力分享俾其他有需要既人! 我自己好慳, 一個口罩至少用兩次盡量都唔浪費 :p
希望人間有愛, 大家唔好變自私鬼
不一樣的情人節, 永世難忘~~
首先係有位小朋友無端端走埋黎遞隻牙俾我, 唔係送花囉 @.@
弟弟早兩日已經話隻牙鬆又痛, 我地仲估大牙有排都未甩點知就甩俾你睇! 又因為係大牙既緣故, 小明流血不止喊晒口! 好在屋企有雪糕, 食左幾十啖就冇事啦 :DD 幸好我繼續 work from home 可以見證到呢個特別時刻
2020 年一開始已經甩左兩隻牙, 而家總共甩左 10 隻, 距離甩晒 20 隻 BB 牙仲有一半路程, 要小心儲存所有牙仔, 我地有牙仔盒架 ^^
肺炎肆虐, 今年最渴望收到既花就係呢款 -- 口罩花!!
富貴 D 既可以加埋消毒洗手液送俾心愛既人
仲有"花籃"
呢 D 新興花束花籃係呢段非常時期真係好重要架, 大家都唔夠口罩唔敢出街, 出一次街仲唔大量入貨儲糧咩? 於是出現超級市場吉架既場面, 唔係一間, 係間間超市既米架廁紙架漂白水架都一定係吉既! 我地屋企得番 4 卷廁紙, 漂白水用晒, 口罩得番一盒, 本來諗住返教會就係九龍城買, 點知真係行晒成個九龍城既藥房都買唔到 (有 D 藥房直情大大張紙貼係門口寫住: 免問) @.@ 係有 D 傍惶既, 感恩天父看顧, 我身邊有好多好多天使~~ 有好姊妹出街時岩岩見到有貨車落貨即刻幫我買到兩條廁紙; 漂白水仲醒到出五金店買一桶成班人分; 口罩我上網訂左好多但都冇貨番, 全靠家姐同埋朋友既印僱姐姐幫手訂, 我舅父係美國知道我有需要又速遞左幾盒俾我..... 我真係好感動!!
我一直都相信香港貨源充足, 要咩有咩, 口罩就全球需求急增冇辦法 (我極欣賞李嘉誠先生及許多愛香港人士為香港人撲口罩, 以及王維基先生在香港設口罩廠!!), 但米呀, 廁紙漂白水清潔用品呢 D 必需品有咩可能冇? 之前 100 毛仲有打過電話去各大廁紙廠詢問, 間間都話夠供應的, 只係上唔切架, 又或者係未上架已經俾人買晒先出現吉架情形! 最離譜係唔知邊個話衛生巾既物料同口罩一樣可以防感染, 於是搶唔到口罩既人連衛生巾都唔放過..... 痴晒線! 我唔信有人真係貼塊衛生巾上面囉! 搶黎做咩? 搶晒, 真係有需要既人冇得用點算?!? 爭就唔夠, 分就有餘, 大家冷靜 D 先得架!!
呢 D 都係我身邊既天使幫我搵到既口罩, 令我由赤貧變成有錢佬, 亦都即刻有能力分享俾其他有需要既人! 我自己好慳, 一個口罩至少用兩次盡量都唔浪費 :p
希望疫情快快受控制
希望人間有愛, 大家唔好變自私鬼
2020年2月13日 星期四
漫長的停課
1月21日開始放新年假可怕地遇著武漢肺炎, 教育局勒令全港停課, 初時話 2月17日復課, 跟住改到 3月2日, 不過疫情不受控制差不多每日都有新增個案, 口罩又唔夠, 於是又要再延長停課至 3月16日或以後到時再評估形勢, 連小六第三次呈分試都取消埋..... 小明好唔開心, 佢好掛住 D 同學, 擔心小學生涯就咁完結, 畢業營都凍過水..... 事情要咁發生都冇辦法, 保住條命仔緊要!
當打邊爐, 燒烤都會霧化傳播受感染, 潛伏期最長 42日, 周圍都可能有好多隱形患者時, 你真係唔敢出街啦! 放成兩個月假做咩好呢? 梗係食飽瞓, 瞓飽食, 做隻肥豬仔啦 :DDD
小慈最愛既臭芝士, 弟弟最愛既巴拿馬火腿!
仲有爸爸整既咸蛋黃臘腸菜粒黃金炒飯, 太好味, 食多過平時一倍既飯量架!
天氣好仲會落樓下同人地 D 貓玩, 小黑好 enjoy 拍屁屁呀! High 晒 :D
停課令麻雀技巧日趨成熟, 你睇, 小慈食左舖筒子呀! 幾叻 ^^
我地仲玩到上天台打麻雀 :DDDD 真係估唔到天台張枱原來咁用 :)
呢兩隻係小慈小明既吉祥物, 陪住媽媽食糊, yeah!
傻妹! 打左一舖沙皮狗竟然冇跌過, 厲害! 厲害!
點少得玩公仔?! 小明玩到飛左隻白老鼠去按摩椅後面, 佢竟然同白老鼠講:
唔駛驚呀! 我而家釣被被落黎!
我即時爆笑 :DDDDD 難道白老鼠會識得咬住你張被俾你釣番上黎?!!! 弟弟真係超得意, 笑到我肚孿!!!
終於係勁瘦既小慈家姐攝入椅背同佢救番隻白老鼠出黎
有花時間睇書
有好乖咁做功課
有大量網上功課要做, 做晒先可以玩架
有好乖咁練琴, 校際音樂節今年取消即場演奏真係好可惜
小明做埋農夫, 我地天台種既薑有收成呀!!
冬日陽光和而不煦, 最適合呼吸新鮮空氣同埋殺菌.....
小慈小明既至愛係晒度喇!!
我地仲第一次帶 Jimmy 上天台散步添~
幾靚仔! 話時話今年唔係好覺 Jimmy 冬眠, 凍既時間實在太短太少
同弟弟一樣大, Jimmy 今年 11 歲了! 小明細個好怕 Jimmy D 爪, 而家都係好勉強先肯捉住佢
小慈小明嚴格控制 Jimmy 既爬行方向
企圖用一隻腳阻止 Jimmy 前進.... 實在太睇少佢
兩隻腳頂住都照穿過!! 抓到小慈損晒......
咁堅持究竟 Jimmy 想去邊呢? 原來係搵地方呢埋, 可能爬到攰, 太大運動量.....
瞓埋..... :DDD
雖然在家千日好, 但小朋友都係返學過群體生活好 D! 希望疫情快 D 有轉機啦!
當打邊爐, 燒烤都會霧化傳播受感染, 潛伏期最長 42日, 周圍都可能有好多隱形患者時, 你真係唔敢出街啦! 放成兩個月假做咩好呢? 梗係食飽瞓, 瞓飽食, 做隻肥豬仔啦 :DDD
小慈最愛既臭芝士, 弟弟最愛既巴拿馬火腿!
仲有爸爸整既咸蛋黃臘腸菜粒黃金炒飯, 太好味, 食多過平時一倍既飯量架!
天氣好仲會落樓下同人地 D 貓玩, 小黑好 enjoy 拍屁屁呀! High 晒 :D
停課令麻雀技巧日趨成熟, 你睇, 小慈食左舖筒子呀! 幾叻 ^^
我地仲玩到上天台打麻雀 :DDDD 真係估唔到天台張枱原來咁用 :)
呢兩隻係小慈小明既吉祥物, 陪住媽媽食糊, yeah!
傻妹! 打左一舖沙皮狗竟然冇跌過, 厲害! 厲害!
點少得玩公仔?! 小明玩到飛左隻白老鼠去按摩椅後面, 佢竟然同白老鼠講:
唔駛驚呀! 我而家釣被被落黎!
我即時爆笑 :DDDDD 難道白老鼠會識得咬住你張被俾你釣番上黎?!!! 弟弟真係超得意, 笑到我肚孿!!!
終於係勁瘦既小慈家姐攝入椅背同佢救番隻白老鼠出黎
有花時間睇書
有好乖咁做功課
有大量網上功課要做, 做晒先可以玩架
有好乖咁練琴, 校際音樂節今年取消即場演奏真係好可惜
小明做埋農夫, 我地天台種既薑有收成呀!!
冬日陽光和而不煦, 最適合呼吸新鮮空氣同埋殺菌.....
我地仲第一次帶 Jimmy 上天台散步添~
幾靚仔! 話時話今年唔係好覺 Jimmy 冬眠, 凍既時間實在太短太少
同弟弟一樣大, Jimmy 今年 11 歲了! 小明細個好怕 Jimmy D 爪, 而家都係好勉強先肯捉住佢
小慈小明嚴格控制 Jimmy 既爬行方向
企圖用一隻腳阻止 Jimmy 前進.... 實在太睇少佢
兩隻腳頂住都照穿過!! 抓到小慈損晒......
咁堅持究竟 Jimmy 想去邊呢? 原來係搵地方呢埋, 可能爬到攰, 太大運動量.....
瞓埋..... :DDD
雖然在家千日好, 但小朋友都係返學過群體生活好 D! 希望疫情快 D 有轉機啦!
2020年2月2日 星期日
世紀團拜
停課停課再停課! 先係話停兩個星期至 2月17日, 但染病人數越來越多又話初四春運回港人士多可能潛在隱形帶菌者, 於是再停多兩個星期暫定 3月2日開學, 到時再睇情況, 希望唔會有社區爆發啦!
無端端放多一個月假又唔出得街, 係屋企做咩好? 打機都打唔到咁多個鐘! 好在我地有個天台, 又好太陽, 不如上去曬下殺下菌啦!
我地仲上天台共晉午餐添~
仲有咩做呢? 唔想佢地打咁多機, 不如用下個腦, 打下牌啦! 弟弟好似麻雀俠咁摸手好, 連食 6 舖!
疫情持續, 都有爭扎應唔應該返多人聚集既教會, 但又好掛住弟兄姐妹, 過年前我已經病左冇返成個星期, 真係好掛住, 於是有做足安全措施多洗手戴口罩, 我地返教會啦!
今日詩班都要戴住口罩唱詩, 真係辛苦晒! 好值得紀念既畫面, 要影低佢
經過投票決定, 提摩太團飲茶團拜繼續舉行! 大合照專登戴番個口罩影低歷史性一刻
跟住約左契女琳琳, 新年梗係要見下契媽契爺啦!
招呼琳琳姐姐玩月光寶盒又玩大富翁
跟住提議打麻雀, 琳琳竟然超贊成! 麻雀果然係最好既聯誼工具
兩姐弟仲係 level 1, 見到琳琳姐姐高手既表演要邊隻有邊隻完全甘拜下風!
好在契爺都冇燒鬚食左舖清一式 :DDD
第一次幫襯 food panda, 事實證明我地呢 D 村屋真係難送 D
我地仲一齊見證本世紀只得 12 次既對稱時間! 2020年2月2日20:20, 係呢一分鐘我地一齊 ^^
我可愛既家人!! 可以齊齊整整, 健健康康, 無時無刻在一起其實已經係恩典!
美芝, 我的小羊! 幾十年的情誼, 我一直都愛你!
我的契女, 契媽錫晒!
我地會每日為你祈禱, 希望你科科高升! DSE 加油!!!
我親愛的朋友, 大家都保重! 天父保守看顧!
無端端放多一個月假又唔出得街, 係屋企做咩好? 打機都打唔到咁多個鐘! 好在我地有個天台, 又好太陽, 不如上去曬下殺下菌啦!
我地仲上天台共晉午餐添~
仲有咩做呢? 唔想佢地打咁多機, 不如用下個腦, 打下牌啦! 弟弟好似麻雀俠咁摸手好, 連食 6 舖!
疫情持續, 都有爭扎應唔應該返多人聚集既教會, 但又好掛住弟兄姐妹, 過年前我已經病左冇返成個星期, 真係好掛住, 於是有做足安全措施多洗手戴口罩, 我地返教會啦!
今日詩班都要戴住口罩唱詩, 真係辛苦晒! 好值得紀念既畫面, 要影低佢
經過投票決定, 提摩太團飲茶團拜繼續舉行! 大合照專登戴番個口罩影低歷史性一刻
跟住約左契女琳琳, 新年梗係要見下契媽契爺啦!
招呼琳琳姐姐玩月光寶盒又玩大富翁
跟住提議打麻雀, 琳琳竟然超贊成! 麻雀果然係最好既聯誼工具
兩姐弟仲係 level 1, 見到琳琳姐姐高手既表演要邊隻有邊隻完全甘拜下風!
好在契爺都冇燒鬚食左舖清一式 :DDD
第一次幫襯 food panda, 事實證明我地呢 D 村屋真係難送 D
我地仲一齊見證本世紀只得 12 次既對稱時間! 2020年2月2日20:20, 係呢一分鐘我地一齊 ^^
我可愛既家人!! 可以齊齊整整, 健健康康, 無時無刻在一起其實已經係恩典!
美芝, 我的小羊! 幾十年的情誼, 我一直都愛你!
我的契女, 契媽錫晒!
我地會每日為你祈禱, 希望你科科高升! DSE 加油!!!
我親愛的朋友, 大家都保重! 天父保守看顧!
訂閱：
文章 (Atom)