新年第一擊

冇喇, 冇喇.....  以後聖誕只可以玩少少, 因為小慈家姐 1月2日已經要返學仲要考試添 @.@  往好既方面諗就係多 D 時間溫書, 唔駛好似弟弟咁範圍都未教晒就要考試, 趕頭趕命....

學習有時, 玩樂亦有時, 正當小慈小明在功課與書本之中作最後衝刺之際, 兩姐弟竟然提出要頂到 00:00 因為佢地要倒數!!  得唔得架?  佢地捱唔到眼瞓架喎!  點知爸爸話打住機實得 @.@  我地睇住電視直播黎倒數, 基於信號傳遞定接收問題, 家庭觀眾原來係會慢左幾秒, 不過都無損我地既雅興, 好攪笑地全家 Kiss 住過新年, 錫多左幾秒啦  :D

溫書溫足兩年, 小慈家姐要返學了, 而弟弟今日都約左同學仔上我地屋企個天台傾 project 做功課!  估唔到新一年大家都好努力呀吓 :)

大家都為我地個天台慕名而來, 景觀開揚, 今日天氣又不太冷, 幾唔錯架

攪左一輪, 又較剪又膠紙又塞化妝綿咁, 隔音耳罩初部完成!

有同學仔仲帶左對舊襪美化下添 :D

寫番個過程就完成呢份 STEM Project 了

食飽飯就落下一場, 常識專題研習介紹西安, 一人搵一個景點推介

小明同 Siri 非常熟, 好快就搵到需用既資料

做完!!  放監喇!!  可以玩喇!!

完全唔捨得走

李卓謙 吳柏翹 何晞哲 都係弟弟既好朋友, 要友誼永固啊!

Happy New Year!!