鄰居的小動物

小慈小明好鍾意貓貓狗狗, 無奈屋企細, 無暇照顧, 心血亦少真係唔想養寵物, 好在鄰居們有養, 落街就可以同佢地玩啦 ^^

呢兩隻貓係小慈小明既最愛, 次次行過拍下隻手喵一聲佢地就會自動行埋黎討摸, 勁可愛!

唔理主人叫佢咩名, 小明已經決定叫佢地做小黑與小淺 :DD

呢隻狗狗叫番薯又係超乖, 又係會自動行埋黎停係你腳前等你摸佢架!  不過佢年紀開始大, 睇住佢行得越來越慢又唔肯上落樓梯, 好擔心佢呢!

呢隻係好有個姓既貓叫 Dessy, 佢來去如風自出自入, 平時見到佢條尾已經好好運, 行埋 D 都跑到舞雷公咁遠仲回頭冷冷咁望你一眼既, 不過有時夜晚佢會變左另外一隻貓咁, 見到你唔走, 你行埋去佢度仲可以摸佢添?!?  心情好難捉摸.....

所以每次小慈小明可以摸到 Dessy 都開心到好似中左六合彩咁架!

今日 Dessy 心情好到日光白白都可以摸佢!  嘩~~ 頭獎呀!! 

小動物同 BB 一樣, 玩人地既係開心好多啦!  哈!