由 Wilie 話有個唔係幾好既消息同我講開始, 阿 B 骨痛, 照到有肺癌, 搵唔到岩既藥, 再擴散到骨同腦, 再到離世, 都只係短短半年既時間..... 好心痛, 好心痛.... 好多點解, 更多點算, 亦甚不捨.... 想念阿 B, 在腦內揮之不去, 點點滴滴, 無限唏噓、婉惜.... 但我地係基督徒!!! 我地有永生既盼望, 死有何懼? 我地知道死後往何處去, 主耶穌一早已經為我地預備地方, 在天家, 再沒有痛苦, 再沒有眼淚.... 人總有一死, 但我地有盼望, 我地將來在天家一定重聚!
今日就係阿 B 既安息禮拜, 我地一家四口連同提摩太團一齊做詩班, 獻唱阿 B 最鍾意既詩歌「我要向高山舉目」
我要向高山舉目, 我的幫助從何而來?
我的幫助從造天地的耶和華而來
他必不叫你的腳搖動, 保護你的必不打盹
保護以色列的也不打盹, 也不睡覺
保護你的是耶和華, 耶和華在你的右邊蔭庇你
白日太陽必不傷你, 夜間月亮必不害你
耶和華要保護你, 免受一切的災害, 他要保護你的性命
你出你入, 耶和華要保護你, 從今時直到永遠
阿 B, 你真係好靚, 又聰明, 又叻! 你既堅強忍耐, 不發怨言, 善待每一個人, 留下左美好既見證, 成為我地既好榜樣
呢一個地方, 都係秋媽火葬既地方, 再次黎到呢度好有感觸..... 亦和當天一樣, 今日都係一個陽光普照既日子, 太陽好溫暖, 我知道阿 B 同秋媽而家好快樂, 因為你地已經同主耶穌在一起了!
搵左好耐, 我發覺我冇同阿 B 單獨既合照! 但呢張相好有意義, 我同秋秋係栽培員, 阿 B 同 Wilie 係我地栽培既小羊, 上呢 8 堂成長 8 課其實我地好開心, 識多左個新朋友, 傾左好多偈, 同阿 B 真係天南地北無所不談, 次次栽培都 overrun, 傾到唔願走 :D 呢張證書, 亦係證明左我地友誼既開始 ^^
黃生黃太好高興認識你地呀!! 同路人, 一同在主內成長 ^^
之後我地仲一齊參加栽培員家會既活動, 提摩太團多左兩 pair 新成員呀!
祈左好耐禱, 阿 B 同 Wilie 終於有自己既 baby, 靖僖在 2015 年 2 月出世喇!!!!
小慈小明出奇地錫靖僖 BB
等左幾個月, 靖僖 BB 返教會了! 太重要既日子要影相留念
小慈好鍾意抱但又好驚抱靖僖既表情好攪笑
參加提摩太團聖誕 party
母親節正日竟然大家都得閒, 上我地屋企食飯
祟拜後一齊食飯, 有車去邊度都得啦 :D
食韓燒因為可以坐好耐, 岩晒有小朋友既我地
不停餵靖僖食啫哩
咩色都食晒 :D
慢熱既靖僖要食完成餐飯先肯俾我抱
阿 B, 你放心啦, 我地會照顧靖僖架
小慈小明會當佢係親細妹一樣
在教會內一同成長
成個提摩太團都會彼此扶持, 互相代禱, 因為我地係弟兄姐妹啊!!
縱然千萬個不捨, 我非常非常掛念你, 但我深信, 我地一定會再見面, 再見面既時候, 唔再需要講 bye bye 了!!!
沒有留言:
張貼留言