得到班主任豁免, 今日唔駛著校服返學
小慈家姐成大半年冇返母校, 非常懷念, 不過今日時間唔容許佢搵老師聚舊啦
班房門前留影, 弟弟同小慈家姐一樣都係五愛班
班相梗係要影上影啦
一戴眼鏡, 幾個男同學即刻有 D 似樣, 不過我都一眼搵到我個仔
弟弟係都要我影呢個嘉許獎, 佢話要全班都非常合作, 好難先攞到呢個獎架!
小明今次考試, 原來學校成績表已經唔再出總平均分而係出 grading, 小明屬於 B grade, 操行都係 B, 全級 130 人成績屬於 60-70 名, 係 Band 1 既成績 :) Science、聖經、電腦、中文作文、說話及聆聽都係 A, 普通話仲 A+ 添! 可惜音樂竟然肥左!!!??? 班主任馬老師話同音樂科老師了解過, 主要係份音樂卷差少少先合格同埋吹笛麻麻地, 於是拉唔到個分合格.....噢噢噢!! 小慈家姐當年從來都冇溫過音樂, 我連佢考咩都唔知, 冇估到小明有呢一方面既困難.... 冇計, 小明你以後一個星期至少要吹三次笛, 將勤補絀呀!
馬老師話小明整體成績算唔錯, 上堂專心守規認真, 不過容易遊雲同受人影響, 尤其係一考完試就好明顯鬆懈左, 功課馬虎了事! 小明係一個讀到書既人, 肯讀, 自律, 認真就會有成果, 非常有進步空間, 千奇唔好放棄! 下學期就係呈分試, 第一二次呈分試 (即五年級下學期同六年級上學期) 既成績, 差不多已經斷定左你係屬於 Band 幾, 馬老師寄語恩明, 真係要俾心機呀!!
我明既, 考試溫書咁辛苦, 考完仲唔大解放咩?! 不過我只係會俾小明放鬆埋農曆新年, 逗完利是好快就測驗, 測完驗又放復活節假, 跟手就係下學期考試, 時間會過得好快!
用你的恩賜, 獻上最好!!
沒有留言:
張貼留言