快閃花式跳繩

小慈小明學花式跳繩已經有一年半時間, 見佢地越跳越高, 越跳越快都幾開心架!

Kevin Sir 有「快閃跳繩」呢個咁有趣既概念, 要佢地唔好淨係課室自己跳, 要落街, 出去跳俾人睇, 曬下冷, 另外一種表演形式, 又可以壯下個膽, 好正呀!

縱然今日得 15 度, 上花繩班係一定要著短袖既

最後練習一下先 - 開合前後提膝提膝矯矯解解..... 聽到我都識背 :DD

出街了!  小明話要排好個陣營, 男仔一行女仔一行, 要人刮目相看!!

好多人呀!  地板唔同左又有 D 緊張, 要再練習多次先正式開始

我最鍾意時光隧道, 小慈仲 solo 添 ^^

click here --> 有片睇

雙人跳繩

小明完美的側手翻

去片 click ~

街上 3 分鐘, 台下十堂功, 同阿 Sir 佢地平時既跳繩加體操當然無得比, 但佢地咁細個有咁既嘗試真係已經超出預期!  叻仔叻女!!

表演後既反應竟然係一個二個心痛條繩俾石屎地刮到花晒, 個個又捽又呵又話要同條繩搽 lotion, 真係笑死我 :DDD

真係好正呀!  睇見佢地能力不斷進步, 同學仔又有默契, Kevin Sir 又有心機教, 訓練得佢地似模似樣, 好多謝你呀!!!

期待阿 Sir 既專業靚相及剪輯過既 video ^^