我估係五年班要預備呈分試, 課程深左功課又多左, 補完習先返屋企做功課往往都做到 10:XX pm, 第二日返學又冇精神, 再加上小明心理上抗拒, 困住左自己係唔想返學唔想補習覺得自己非常辛苦既圈圈入面.... 果然第一次測驗就抄鍋甘既 -- 史無前例兩科主科唔合格 @.@
抦佢就一定架啦! 但唔係抦成績, 係抦佢既學習態度! 首先, 我提醒返佢「冰櫃裡的尼克」的故事:
一家鐵路公司有一位調車人員尼克, 他工作認真, 做事負責, 不過他有一個缺點, 就是他對人生很悲觀, 常以否定的眼光去看世界
有天公司的職員都趕著去給老闆過生日, 大家都提早急急忙忙的走了. 不巧尼克來不及出來, 被關在一個待修的冰櫃車裡. 尼克在冰櫃拼命敲打著喊著, 全公司的人都走了, 根本沒有人聽得到. 尼克的手掌敲得紅腫, 喉嚨叫得沙啞, 也沒人理睬, 最後只得頹然的坐在地上喘息. 他愈想愈害怕, 心想: 「冰櫃的溫度很低, 如果再不出去一定會被凍死!」他只好用發抖的手, 找了筆紙, 寫下遺書.....
第二天早上, 公司的職員陸續來上班, 他們打開冰櫃, 赫然發現尼克倒在地上! 他們將尼克送去急救, 卻已沒有生命跡象, 大家都很驚訝, 因為冰櫃的冷凍開關一開始就沒有啟動, 這巨大的冰櫃也有足夠的氧氣! 更令人納悶的是, 櫃裏的溫度一直是華氏61度 (即攝氏 16 度), 但尼克竟然好端端就這樣死了!
有人說, 尼克並非死於冰櫃的溫度, 而是嚇死的, 他是死於心中的冰點! 當你已經給自己判了死刑, 又怎麼能夠活得下去呢?
打敗你的, 常常不是外在環境, 而是你的心! 被自己打敗, 再多的後援都徒勞無功! 我同小明講左好耐, 讀書辛苦係一定既, 特別係五六年級, 因為呢三次既呈分試會影響你將來讀邊一間中學, 成績好就有得揀, Band 1 又得, Band 2 又得, 但如果成績差, 冇得揀, 被迫去左一間唔岩自己既中學, 一讀仲要讀 6 年就好可憐. 中學好重要, 爸爸媽媽既好朋友死黨全部都係中學時認識既, 仲係一世既好朋友! 小慈家姐而家入左一間岩佢既中學, 你睇佢讀得幾輕鬆!! 但輕鬆之前係要捱 2 年架, 去補習都係想你成績好, 有經驗既補習老師教你, 你唔學, 伏低令自己瞓著, 老師見到又唔開心, 打電話黎叫我處理你我又唔開心, 爸爸辛苦賺錢俾你去補習但你走去瞓更加唔開心..... 記唔記得小慈家姐一考完第 3 次呈分試我地一齊去旅行? 弟弟都一樣, 你一考晒呈分試我地又去旅行慶祝..... 又氹又鬧咁, 都唔知小明吸收幾多! 後來我仲連呈分試計分法都教埋佢, 中英數一定要考得好, 因為乘大 9 倍架! 5 年級雖然下學期先開始第一次呈分試, 但中學面試往往都會睇埋 5 年級全年成績, 有D 連 4 年級都睇埋添架, 所以成張成績表都要靚仔啦!
呢次之後, 小明明顯積極左, 終於幾個禮拜都冇再俾人寫手冊, 似番個學生, 又識得係學校把握時間做功課, 唔駛攪到 10 點幾 11 點! 考試溫習又合作, 溫習時又有用心去記, 終於回復番好既學習態度! 一分耕耘自有一分收穫, 懶惰去做人, 又點會有所成? 今次派卷, 好多科都考得好好! 中文作文竟然有 85 分, 普通話口試滿分, 中英數全部合格晒, 英數成績仲由 50 分升番去 70 添!! 媽媽開心到即刻去買禮物, 小明自己都開心到寫張分紙記低自己成績 ^^
我送左隻企鵝筆袋俾弟弟, 佢超級驚喜勁鍾意, 即刻話要帶番學校用
呢隻企鵝即時做左風頭躉, 全班都超級羨慕小明成績好有禮物呢! 不過媽媽係看重小明既學習態度多 D, 態度好成績自然好!
老師都有送禮物俾小明獎勵佢, 唔係因為高分而獎, 竟然係因為有條題目, 全班得兩個同學仔有溫 notes, 有背, 於是考試識答而獎勵的! 嘩嘩嘩~~~ 好似係我叫弟弟一定要背呢題架喎, 應該係獎勵媽媽先岩呀!
咁可愛既 mini block 長頸鹿, 小明一小時唔駛就砌完喇 ^^
呢張就係小明自己 mark 既成績單, 對自己要求都高架, 唔係科科打星星 :D
呢款動物筆袋真係幾好用, 右邊隻柴柴係小慈用自己既獎學金買, 都好有意義架 ^^
小明, keep 住呢個態度! 學如逆水行舟, 不進則退
「你要切切保守你心, 因為一生的果效, 是由心發出」箴言四章23節
沒有留言:
張貼留言