提摩太團聖誕開 party, 今年有 33 人一齊慶祝好開心, 可惜爸爸要返工, 不過捱到聖誕就有假放, YEAH!
食飽飽, 有頌恩姨姨同新加入團友仔柔柔帶領大家唱聖誕歌
好耐冇見既嘉良叔叔一家, 培培好留心聽歌, 好可愛呀 ^^
呢個得意豬我真係好鍾意佢 ^8^
今年我同 Keynes 叔叔帶大家玩 3 個乒乓波遊戲
No. 1 吹乒乓 -- 大家要細細力將乒乓波由第一個汽水罐吹到第四個汽水罐上面, 全組派出 5 個組員最快完成為之勝出, 看似簡單, 都要 D 技巧架
No. 2 乒乓波保齡球 -- 全組人合作將乒乓球拋入杯內, 拋中波最多為之勝出
難度實在好高, 全部人湧晒出黎觀戰, 大家都好肉緊, 最多都係入得 8 球, 打成平手
No. 3 乒乓波跑馬仔 -- 出動成張乒乓波枱, 大家要用口吹, 將乒乓波入龍門
小心呀! 個波就黎落坑喇!! 好刺激, 吹到大家上氣唔接下氣, 玩到出晒汗 :DDD
見到大家玩得開心就好了!
12 月 25 日星期二, 我地有一堂聖誕祟拜
有文牧師分享信息 -- 有一種認真叫希律
小朋友亦都有小朋友既聖誕崇拜, 小慈小明縮左去最後排
文牧師叫我地做招待三小花為大家派發程序表 收奉獻同埋派柑 :DDD
潮州教會既傳統, 逢喜慶節日如聖誕新年就會派柑俾大家, 平安平安
教會既插花組真係好厲害, 次次 D 花都好靚, 大家都忍唔住要在花前留倩影
7 年前既今日, 我地同彭氏一家影左張聖誕合照, 今年大家在花前相遇, 梗係要影番張當年今日啦 ^^
仲有可愛既靖僖, 我送左頂聖誕帽俾佢佢真係有戴, 同我咁襯梗係要影番張相啦!
我地係最紅既一家人 :D
崇拜 11:15 am 已經結束, 影埋相都未夠 12:00 nn, 我地 3:00 pm 先夠鐘睇話劇, 做就我地夠時間慢慢嘆個聖誕大午餐!!
呢隻牛牛我想食佢好耐架喇, 圖片與事實相符喎! 正!
牛精小明, 只係鍾情於食牛
爐邊呢個燒芝士同泡菜蛋真係好好味呀!!
燒下燒下, 時間岩岩好, 我地去葵青劇院睇音樂劇 唯獨祢是王
捧繼信叔叔場呀! 佢飾演撒母耳 / 歌詠隊 / 軍人
鍾舒漫呢個汽球公仔好似佢呀, 佢飾演烏利亞既妻子拔示巴
勁多花牌, 芬芳撲鼻~~
入場了! 片場 2 小時 30 分鐘, 中場休息 15 分鐘, 我地好近出口, 廁所 break 冇問題
除左繼信叔叔, 仲有 Dominic 叔叔做大祭司
大衛與拔示巴, 係大衛一生人唯一做過既錯事
承認錯誤, 真心悔改, 以後都唔再犯同樣既錯, 耶和華賜福大衛與拔示巴再生一個兒子 -- 所羅門!
大衛既仔仔女女暗嫩 他瑪 押沙龍
謝幕了! 真係好精彩, 好緊湊, 聽唔真 D 歌好想要睇多次 ^^
好難先影到 Dominic, 佢係大祭司但頂帽好似廚師呢!
For unto us a child is born
因有一嬰孩為我們而生, 有一子賜給我們, 政權必擔在他的肩頭上, 他名稱為奇妙、策士、全能的 神、永在的父、和平的君。(以賽亞書 9 章 6 節)
主耶穌生日快樂! 多謝祢為我們降生!!
沒有留言:
張貼留言