一浪接一浪

今年真係一個非常精彩既暑假, 完晒三場話劇一場舞蹈表演之後, 小慈仲參加左一個鋼琴比賽、兩個日營、升左一間中學、去健康院驗眼、在教會獻詩、每個星期返團契.... 忙碌而又充實啦 :D

政府排期一排就半年, 差 D 唔記得要去驗眼, 好在請到假陪小慈去藍田咋

唔駛等, 一去到就見視光師

..... 唔好意思, 影完先見到隻請勿拍攝 XoX

小慈擲界, 可以又可以唔駛戴眼鏡!  視光師話開左學睇下望唔望到黑板, 有冇抄錯晒手冊先決定配唔配眼鏡都得

初詩獻詩, 媽媽最開心見到佢兩姐弟攬頭叉頸 :DDD

今年有 D 小朋友岩岩升級上黎, 2 年級生得仲高過小明!

今日獻唱我的救贖者活著, 我地希幔詩班都有唱過, 非常好聽又感動既一首詩歌

左右分飛

今日竟然有姨姨叔叔無情情送部相機俾小慈, 開心驚喜到佢不得了!!  小慈恨左好耐好耐架喇!!!  抵錫既小朋友係會有好多人錫既 :)

今日輪到提摩太團去鳳德社區中心服侍, 平時小慈小明一定會跟住我去幫手, 今年我想佢地返團契多 D!  仲要機會難逢地去家訪, 梗係唔好錯過啦!

多謝希希晉晉熱情招待, 小明直情唔想走

我今日既鳳德好拍檔!  我繼續負責兒童領詩, 唱神真美好 & 我在這裡讚美, 小朋友反應好好呀!

Keynes & Gienna 帶領小朋友玩挪亞 Bingo, 小朋友原來識寫好多字

返團契學中文, 學英文, 正!

大人同小朋友都好開心

任務完成!

暑假幾時都係咁精彩 ^^