門口都要搵左一輪先見到
好特別呀呢度! D 藝術氣氛湧晒埋黎!
兆基都有小王子既蹤跡
嘩~~~ 我地終於見到自己既星球喇!!
小慈既「珠」星球 :)
幕後 SM Team 今朝 9:00 am 已經黎到佈置及安頓一切, 所以我地班演員入台已經見到 set 好晒野, 真係要俾大大既掌聲佢地!!
我地好多人都係新手, 所以安排左有 Stage Tour ^^
呢度係後台, 所有道具已經放好晒, 大家記得有手尾用完要放回原處, 因為我地要連續做三場, 唔見左就大件事 @.@ Props list 超長.......
台左、台右放既野係唔同架!
呢格道具 for 阿榮 & 榮嫂, mark 實晒係咩, 道具組真係好細心
舞台真係另外一門高深既學問
我地 Chorus 用既 6 張音樂椅好靚呀!
我張手術床 ^^
突然間真係好有明星 feel :)
化妝間仲有電視直播台面, very good!
試咪試咪, 演員請講自己既 lines
同一時間 support 我地全部 11 個演員真係好厲害!
Musician Sound Test
婷婷姐姐呢部琴真係型爆! 果然係創意書院
大家都多左條腰 belt, 忍唔住要影相留念
Spacing - 戴住咪試走位及音響
珠女經典對白:「好難聽! 好難聽! 好難聽! 好難聽呀!!」
成件事真係好夢幻, 眼界大開!!
8月9日(星期四) 觀眾席都放左落黎
椅下面係咁既
服裝組都預備好喇
每人仲有張私家櫈 stand by 時坐添
我手上好珍貴既係老王子親手煲既羅漢果水, 用黎潤喉, 係演員必備既恩物, 好感動呀!
服裝組於是即場拆過又縫補我個大肚, 要求力臻完美, 非常專業!!
個肚終於扁左, 今次滿意喇 ^^
有非常專業既曉雲及 Sammi 畢幫手戴咪同貼膠紙, 交俾佢地就安心晒
今日係 Technical Rehearsal, 大家要著住劇服試演, 但做幾句就會停, 又或者同一幕做好多次, 試到滿意為止! 你睇老王子幾型
寶哥都黎撐我地場呀!
兩位音樂人 Leo and 婷婷, 佢地 D 音樂真係好正!
演員需要在後台 stand by 的, 今日 technical rehearsal 未完但兆基 11:00 pm 要關門於是明天繼續
8月10日(星期五) On Show 前一日, 今日 call 2:00 p.m. 因為 technical rehearsal 之後今晚要化妝, dress rehearsal 所有野 run through 一次再加埋影劇照需要長 D 既時間作演出前最後準備! 所以導演話要 full energy 去做呢件事, 要當正式演出咁去演!!
一入場真係嘩一聲! 我地個 reception counter 超靚呀!!
梗係要影相啦
小慈搵到自己
辛苦晒咁多位弟兄姐妹, 一個都不能少!
每位入場觀眾都送 folder
買滿 5 張飛仲有 puzzle 送, 超精美 ^^
紀念 T-shirt, 我地每位演員都有一件
係唔係好正先 :)
我們都是過客
我地既場刊終於面世喇!!
Up To You 話劇組 10 周年演出過 19 套大大小小既話劇, 計埋《過客》 20 套, 真係唔容易呀!
小慈個名咁岩在我之上, 我地都係製作人員呢
分場表隔離呢個小王子係小慈畫架! 竟然印左係場刊裡面, 小慈開心得好緊要呢!!
演員自我介紹
新手既我呢段野寫左好耐, 句句都係真心話黎架!
人地話片尾有彩蛋, 我地場刊尾有齊所有小王子既繪本, 小慈仲出埋簽名添!
令人愛不釋手
放飯~~~~~
食呢餐飯唔容易, 要做得好霞姨達哥先會俾飯盒架
食飽飽就化妝
最大犧牲係小王子, 佢要將頭髮染成金色! 反而老王子可以戴假髮, 係呢, 點解小王子冇既?
等化妝的小演員
實在太搞笑喇佢地三個 :D
忙碌的化妝間
親愛既靜恩姐姐今次唔做幕前去左前台幕後幫手
MM 上黎探班, 梗係要捉住佢影相啦, 多謝你日日陪住我地排戲
小朋友既妝最易化, 因為佢地皮膚實在太好
化妝大師 Ada 幫我化個靚妝, 超級開心
我同小慈省鏡冇?!
好多謝三位靚靚化妝師化到我地咁靚呀!
自由出入通行証, 我地 ready 喇 ^^
準備出場
阿榮既日記原來以咁既形式出現
就係呢本我睇一次喊一次既日記
其中兩篇
媽媽都有寫日記架! 我都好努力寫 blog 希望記低小慈小明生活既一點一滴, 呢份心意我好明白~
個妝咁靚冇理由唔影相
導演呀導演, 多謝你俾我地親子演出, 永世難忘呀 ^^
一齊演出最開心既係小慈因為可以有好多時間同媽媽一齊, 佢仲俾意見我點做戲添呀, 幾厲害!
每次影相影下影下就會好多人, 好好笑架!
成個 SM team 都好齊心, 佢地真係好正!
我既穿羊水好拍檔嘉鈴, 多謝你場場為我預備
每次我出台, 呢兩表姐妹就會幫我, 好醒目又抵錫
形體大師阿 Kit final run 都 keep 住俾 notes 我地, 希望我地做到最好
化妝師終於攪掂晒我地咁多塊面, 可以由化妝間落黎睇我地演出喇
經常出現人頭湧湧既自拍場面
台右一張
台左一張冇走雞
11:00 pm 要散 band? 梗係未啦! 今晚 run through 仲有好多不足, 導演企係兆基門口俾 notes 我地時越落越大雨, 大家有傘都濕晒! 一台戲是這樣練成的!!!
明天就 on show, 第一次踏台板望住咁多觀眾心情真係好緊張! 緊張既另外一個原因就係知道我地第一場同第三場都 Full House!!!!! 心情真係澎湃激動!!
唔可以對唔住買飛入場既觀眾, 更加要為天父獻上最美!!
Good Show!!!!
沒有留言:
張貼留言