5月6日(星期日) 新一屆職員選舉後有組員聚餐聚會, 梗係要參加啦, 原來仲召募埋 80 周年會慶劇台前幕後既工作人員添, 我呢 D 做開「星媽」既, 當然第一時間帶小慈出席再做小演員啦! 至於目不識丁既我, 未幫過手亦唔知可以做 D 咩都積極回應下! 濟濟一堂, 開餐喇~~
第一次跟 Up To You 職員及組員會面, 十周年, 大家一起敬拜、重溫話劇「父朋子友」、回顧、感恩、分享及展望, 開開心心的聚在一起
6月10日(星期日) 第一次 meeting, 劇本仍然如火如荼製作中 (哈!) 於是導演同我地講解主題方向及排 opening, 一齊諗荒誕新聞黎個集體創作
3 位小演員初次見面! 帽? 蛇? 盒? 羊? 話時話, 大家睇過小王子未?
自由發揮排練中
好多人 NA, 我見冇咩人幫手就鄧下腳
點知排排下導演問我:「你係咪都做架?」我唔知點解答左「係!」事就這樣成了.......
開始得幾好呀, 今晚好開心好好玩, 排完仲有 cake 食, 好溫暖呀!
6月17日(星期日) 要影場刊、單張、宣傳造型照, 於是大家化個靚妝 ^^
化妝高手雲集
仲有好勁既服裝組
我地宣傳照係機械人造型, 呢個 pose 真係好難......
製成品
好乖既佢仲幫手貼晒全教會既宣傳單張
貼媽媽同小慈家姐既單張時特別溫柔 ^^
化左個靚妝, 梗係唔好徙影多 D 靚相啦!
大頭照型到不得了!!!
呢個係專業攝影版親子照
Professional 即係 Professional, 影出黎效果真係好唔同
老王子 & 小王子, 好型呀!
Cosette 妹妹 & Seline 妹妹
靚靚 Miffy 姨姨 & 姜瑩
今日仲影埋大合照, 呢張相大家都好開心, 主內一家 :)
導演講解及分配角色
圍讀
小慈今次係珠女, Miffy 係珠媽
6月30日(星期六) 《過客 王子漫遊記》poster 出街了!!!
張 poster 仲隱藏左我地間教會, 有找到嗎?
《過客 王子漫遊記》會演出 3 場, 埋黎買飛捧場喇喂~~~
買 5 張飛仲有 puzzle 送, 好靚呀!!!
請大家多多支持《過客 王子漫遊記》!!
7月10日(星期二) 小慈今日升中放榜派到第一志願, 太開心, 請大家食雪條
仲一齊食過好多餐飯..... 糖水、Pizza、麥當當、韓食、壽司.... 咩都有
係條街度偶遇梗係一齊食飯啦! 約得一個, 其他人就會陸續到達變成一台人, 好好笑架! 石頭鍋飯都食左兩次
食飽飽, 今日有形體大師阿 Kit 同我地執 movement, 成件事即刻靚左好多!
7月17日(星期二) 繼續排劇, 玩大眼仔 Apps, 原來只係 detect 到最前既一個, 其他正常, 笑死了!
等埋位的小慈突然叫我影相, 原來佢畫左個小王子! 嘩! 畫得好靚呀!
仲油埋顏色簽埋名, 即刻同佢 send 去 Up To You 個面書, 參加小王子繪畫大賽先
7月21日(星期六) Designer Meeting, 見到構思中既舞台, 點解佢地可以咁叻架?!!
仲有新 poster 添!
只有用自己的心才能看清事物, 真正重要的東西用眼睛是看不到的!
7月23日(星期一) 暑期聖經班開鑼, 婷婷姐姐終於得閒同我地夾歌喇!
我地會講信、望、愛 3 個故事, 每個故事會夾番一首詩歌
婷婷姐姐唱歌真係超級好聽, 夾埋個故事真係想喊出黎呀!
呢個係婷婷姐姐既角度..... 其實今晚淨係 call 小慈, 但做阿媽既我點可以唔陪住佢? 於是婷婷姐姐望住小慈, 就回想起當年既自己又係小學五年級第一次做話劇 (同小慈做 《籠》一樣!!) 當年佢媽媽又係好似我咁帶住佢坐埋一邊陪佢排劇..... 種種回憶湧上心頭~~
不過同婷婷媽媽有 D 唔同, 我今次係做埋演員既! 我飾演一個大肚婆, 隔離呢位係我劇本內既老公
7月26日(星期四) 去 studio 錄 VO
我個大肚 look ^^ 小慈話佢絕對唔想要多個細妹!
小慈個學生 look, 套校服好靚呢!
我地仲要化身黑衣人飾演 chorus
7月31日(星期二) 形體大師阿 Kit 又來執我地, opening 有大量形體意念, 經過溫柔既阿 Kit 耐心指導, 我地今日終於有 D 信心
實在荒誕得令人難以置信 :DDD
8月1日(星期三) 我地劇組終於齊人, 嫲嫲同警察藏宣回來, 一落機就即刻返教會, 實在太掛住大家
太開心, 仲請大家食糖水添 ^^
我地條蛇終於成形
8月5日(星期日) 加左一場狐狸先生, 個面具勁靚呀!!!
道具組好野!
眼鏡 props, 小慈好似小雲, 超得意!!
時間緊迫導演已經唔再俾人 NA, 就算係生日都要排劇, 於是我地成組人一齊同 Huson 導演慶祝生日, 難忘的 birthday :)
8月7日(星期二) 入台前最後一次 run through
田傳基!! 《過客》入面既所有音樂, 除左三首詩歌, 全部都係基基作架!! 可以同佢合作真係好榮幸, 加埋導演填詞 and 婷婷超甜既歌聲, 真係無懈可擊既組合!!! 太開心要大大聲聲讚美神!
我地在密密排戲, 基基在辦公室埋頭苦幹做音樂, 大家同心協力, 成件事真係好感動, 一齊加油!!
珠媽珠女既 platform, 聽日入台, 今晚要將教會所有野還原!
我地準備好入台喇!!! 兆基見!!!
沒有留言:
張貼留言