自助山

聞名已久, 想試好耐, 就在開學前我終於訂到枱!  暑假最後一撃 --- 自助山, 我地黎喇~~~

趕得切日落前到, 見到咸蛋黃 ^^

圓碌碌既餐廳

62 樓真係好高, 要留心先會知道佢轉緊, 小慈小明勁 high

我訂唔到 window seat, 小明話: 「而家咁都叫唔係 window seat??!!」咁易滿足真係抵錫 ^8^

搵野食喇, 真係用目不暇給黎形容

勁多壽司

最愛呢個 seafood counter

回本之作!  小明食左一打生蠔, 小慈 & 爸爸 9 隻, 我半打 ^^

不過我食左 3 件鵝肝, 實實實在太好味!!!

所有湯都好好飲, 小慈尤其欣賞中湯「淮杞燉螺頭」, 小明就鍾意龍蝦湯真係有龍蝦 :D  其他食物如鮑魚花膠、黑松露芝士通心粉、即煎瑞士薯餅等都好好食, 我就梗係好忙咁食長腳蟹啦 :p

白兔糖同肚臍餅都有, yeah!

呢個朱古力噴泉好有品味呀~

平時唔好甜品既我竟然食唔停, 榴槤焦糖燉蛋真係好味到不得了!!!

個個飽到捧住個肚!  弟弟話佢個肚大左一倍, 脹到就黎爆喇!!

間餐廳識轉, 仲可以睇埋幻彩詠香江, 勁多選擇, 樣樣都好味, 兩個傻瓜今晚講左好多次好開心!

雖然好貴, 但真係食得好滋味啊!!