愉景灣大白灣沙灘

一直都知愉景灣好靚, 但路途實在太遙遠, 港鐵到欣澳站再轉村巴 DB03R, 足足搭左 1 個鐘頭 9 個字 @.@  吸引我地山長水遠入黎既就係呢個大白灣沙灘

穿過愉景廣場就係沙灘架喇, 呢幅雞牆好攪笑  ^^

好靚呀呢度!!  好似去左外國既感覺~

海裡面有勁多魚, 肉眼都見到!!

藍天白雲天氣一流!  沙灘我地黎喇~~

香港咁多個沙灘點解要黎呢度?  答案就係身後呢 6 條充氣滑梯, 最高個條有 8 米高, 重點係 --- 免費任玩!!

小慈挑戰最高呢一條

全港獨有沙灘上的公園

望住個海爬繩索都真係幾爽

大海呀!  Fing 我出去啦!

準備玩飛天繩索

衝呀~~

永遠向後碌的滾筒

每次落水都慣左要戴泳帽同泳鏡既兩姐弟

掘個大坑再睇住隻蟻點樣爬上黎, 咁都可以同隻蟻玩左個幾鐘

愉景灣呢度既沙灘傘同沙灘椅都係免費任用架!  不過數量有限, 手快有手慢冇

我好耐冇見既舊同事 Josephine, 原來佢而家住愉景灣

話我地一場入到黎, Josephine 盡地主之誼請我地食 lunch ^^

呢間 Zaks 好好味!

玩到 6:00 pm 先肯離開沙灘上 Josephine 姨姨屋企, 趣怪的小明行行下突然停低叫我影佢相

非常唔客氣地係 Josephine 姨姨屋企沖埋個涼, 舒服晒~~~~

愉景灣屋苑既特色係差不多家家戶戶既露台都望到海

Very nice view!  可以望到日落, 仲睇到迪士尼煙花添!

每次游完水最想食又最好味既就係雞同薯條

體力撐唔住搭港鐵轉咁多次線返屋企, 回程決定搭巴士就係因為一定會發生咁既情景.....

幾時去沙灘都係最開心既 :D