賞識

日日運動身體好, 戚起條筋想打羽毛球, 又俾我 book 到場喎, 雖然早左小小, 不過對於我地如農夫一樣既作息時間, 早起冇難度!

個場又新又靚, 小慈小明對於有得打羽毛球表現極度興奮, 尋晚仲差 D 瞓唔著添 :D  運動前要熱身, 由小慈家姐帶領大家做熱身動作

小慈都有板有眼, 接到幾拍架!  弟弟就努力練習開波

1 個鐘既羽毛球好快夠鐘, 離開時見到隔離場打籃球, 技癢既爸爸走去黏波打, 原來係中學籃球隊阿 sir 等緊學生, 橫掂得閒阿 sir 指導左小慈幾招, 佢勁讚小慈有體育天份, 至少講左十次小慈唔去學籃球好可惜!  知道我地連波都冇, 即刻送左一個新籃球俾小慈!!  受寵若驚!!

個籃球勁靚!!  蛇皮造架!  小慈好開心!!

小朋友去邊度學籃球呢.....