之前預測天鴿在 8 月23日凌晨進入香港 400 公里, 點知佢行得慢左, 5:20 am 先掛 8 號風球, 8:10 am 改掛 9 號, 至 9:10 am 天文台發出 10 號風球!! 今次是繼颱風「韋森特」2012 年襲港後另一個 10 號風球!! 天文台錄得天鴿在長洲風速每小時達 171 公里!! 好勁既風呀!
10 號風球, 我同秋秋就全日唔駛返工, 小慈小明就唔駛去補習, 難得既空檔小明梗係即刻上網打機啦!
小慈就把握機會快快做埋暑期作業, 超乖~
本來大風大雨, 突然間收晒, 我地即刻上去天台視察環境, 叫做「親身感受」下 10 號風球既威力
安然渡過了一日, 只係隔離屋塊膠簷篷吹左去我地度, 其他一切安好, 睇新聞知道其他區特別係杏花村既居民重創, 水淹地庫停車場非常可憐.... 颱風過後亦滿街都係冧樹、水浸、招牌跌落、一地雜物..... 辛苦警察叔叔連同其他部門幫手清理了!
沒有留言:
張貼留言