小慈今年升小六了! 時間過得真係好快, 好快! 每年開學日我都會同佢地影張相, 今年終於集齊一套送番俾小慈, 望番佢一年級個樣真係超級可愛呀!
出門前都會食維他命同埋執小食盒, 成排攤晒出黎何其壯觀~~
觀人於微, 小明個小食盒以快捷為主, 兩包餅餅 fit 晒個盒!
小慈就排到靚一靚, 腸仔識轉彎真係好攪笑!
不過我問佢:「開心果唔駛剝殼咩?」
小慈話:「都好喎! 媽媽可唔可以幫我剝多幾粒? 因為 D 同學會埋黎問我攞.」
我:「點問呀?」 於是小慈做佢地個表情俾我睇, 笑死! 咁懇切既眼光又好難拒絕既 :D
開學日, 媽媽都盡量送你地返學, 今年仲去到學校門口添, 係咪好開心呢?
學校上載各班班主任既樣俾家長認識, 太好了! 今年佢地仲排岩位添架!
Native English Teachers (NET)
開學新驚喜, 小明終於擁有佢恨左好耐既有轆書包!!
最後一年同小慈家姐一齊返學了..... 好好珍惜
最重要求天父保守帶領小慈小明, 阿門
沒有留言:
張貼留言