首先整個火車壽司 brunch, 因為好耐冇食所以好開心
8 歲半既小明最鍾意食既壽司係飛魚子、三文魚子、芥末辣章魚同炸軟殼蟹. 11 歲既小慈最鍾意食既壽司係三文魚、甜蝦、炸軟殼蟹手卷
爸爸話小明肢解左條章魚 @.@
Puff 當然唔少得啦, 兩個食左三碟!!!
專登唔收碟睇下佢地食到幾多, 兩個都係食得 6 碟, 打成平手, 高呼好飽!
又話好飽, 咁快食 tea? 哦, display 黎架姐
巧遇經典冰室舊物珍藏展
小慈非常好奇以前個電話點樣打出
搵到個 display 電話不過扣實左唔郁得, 都偷偷地塞隻手指入去感受下
呢 D 標語牌真係經典, 我覺得應該攞番出黎用
夠鐘去鳳德幫手喇
小慈第一時間幫手排好 D 櫈
仲有負責點名派名牌
小明負責 PowerPoint
由我領詩, 平叔叔負責講故事同玩遊戲
我揀左兩首關於快樂既歌, 配合今次既主題
遊戲時間, 10 秒鐘潛袋摸下入面有 D 咩再寫番出黎, 估中得最多為之贏
小明組寫左十二樣, 估中 8 樣成為大贏家, 竟然冇人摸得中鎖匙、LEGO 同埋蚊膏 :D
背金句時間：「我要因耶和華歡喜」詩篇 104 篇
大人崇拜兒童崇拜順利完成, 工作人員大合照
個個都讚小慈小明乖, 由頭到尾投入幫手, 就帶你地去公園玩一陣啦!
呢個公園有特別多既健康設施
玩到肚餓, 係時候食個 early dinner! 呢間叫 BUGS 既餐廳, 海南雞飯碗飯好好食, 同杯粉紅救兵好好飲!
跟住趕頭趕命去唔識路既荃灣大會堂聽音樂會「神奇的玩具店」
Full Orchestra!! 仲要係香港管弦樂團, 小慈非常驚喜 :D
今晚呢場係管弦樂 X 布偶劇, 好特別既組合, 好期待呀!!
每首歌都有不同主題配合即場演繹布偶, 好好睇呀!!
小明最鍾意呢首恐龍大戰超人, 笑到碌地 :DDD
小慈鍾意金魚小夜曲
中場休息 20 分鐘, 小慈小明實在太好奇, 即刻跑去台前睇下布偶劇究竟點整
小慈發現管弦樂團既譜實在好複雜
下半場由著藍色西裝既 Eric 聲演故事
真係好好睇呀!!
好想繼續聽、繼續睇! 小明已經同我講定, 下次再有音樂會布偶劇一定要買飛再睇 ^^
充實而愉快的一天 ^^
沒有留言:
張貼留言