未去新屋前先食個 lunch, Pizza Express 真係好好食, 梳化位又舒服, 小慈琳琳仲悠閒到玩花繩, 我細個都好鍾意玩! 埋單時送寶路薄荷糖 @.@ 嘩~ 真係超經典, 我細個都唔知食左幾多落肚 :)
呢個商場都有 Smiggle, 美芝姨姨就話大家入去揀份開學禮物, 講下講下原來連鎮店之寶書包都揀得, 令本來諗住買個筆袋既小明驚喜萬分!!!
話說自從小慈有轆轆書包之後, 小明已經流曬口水, 依依哦哦, 又羨慕又妒忌, 但佢原本個書包未爛我唔會無端白事買個新既俾佢啦~ 恨左成年, 今日失驚無神咁驚喜, 小明開心到即刻想返學 :D
到我地送禮物喇!! 新居入伙點都要買 D 野既
God Bless This Home with Love & Laughter ^^
參觀! 參觀! 琳琳姐姐間房, 我以為天花板裝左蚊帳, 點知原來係拉布 yoga!
小慈一個鐘頭內學晒琳琳姐姐學左幾個月既野, 勁讚小慈有天份 ^^ 小明就當吊床咁瞓, 玩左好耐
美芝姨姨既超大衣帽間, 真係突然以為自己係明星添, 好正呀!!
非常摩登既廚房洗手間, 所有電器都係輕觸式, 好型呀! 仲有工人姐姐既隱藏睡房, 設計一流!
好舒服既客廳, 小明非常自在地砌 mini blocks
仲有嘆天王按摩椅
打機梗係唔少得啦! 一開機就見到參賽者係 Grace and Young Man, 原來琳琳姐姐 save 左 last record, 小慈小明好開心呀 ^^
今日仲有賀寶個仔仔亮然一齊玩, 我對上一次見佢先岩岩滿月咋, 而家已經 6 歲
今晚打邊爐, 材料由美芝爸爸去大成街市同九龍城街市買時令海鮮菜類, 正到爆, 超好味!! 尤其係個牛肉, 烚幾耐都唔會 un 先好野呀!
人齊開餐!!
琳琳同美芝自家製既梅酒, 非常易入口, 好味呀!
玩得太開心, 打機打到唔捨得走, 美芝一句:「今晚係度瞓啦!」小慈小明竟然話「好呀!」@.@ 小慈小明從來唔肯去人地屋企過夜, 爺爺嫲嫲屋企唔肯, 姑媽姑丈屋企唔肯, 而家竟然肯留係美芝姨姨屋企!! 真係魅力驚人呀美芝姨姨琳琳姐姐 :D
第一次玩到 11:30 p.m., 沖埋涼擾擾攘攘成 1:00 am 先瞓, 真係史無前例!
美芝姨姨屋企好近教會, 所以可以瞓到 8:30 am 先起身, 食埋早餐美芝姨姨仲送埋我地返教會添~
返完教會攞番書包仲送埋我地返屋企
爸爸黎接我地, 變左鬆弛熊兄弟真係笑死!!
呢個突如其來既兩日一夜真係驚喜萬分, 好多第一次, 好難叫小慈小明唔鍾意你地囉, 琳琳姐姐美芝姨姨 ^8^
恭喜你地終於有溫馨又美麗的家!!
沒有留言:
張貼留言