小慈話點解可以咁犀利既? 冇幾耐之前所有樓梯都仲係白兵, 而家已經轉晒公羊神克奴姆 (Khnum), 佢係尼羅河既水神
周圍附近都好靚呀!
成個展覽分為 6 個展區, 擺放 6 具擁有 1,800 年至 3,000 年歷史既埃及木乃伊, 同時亦有 200 件珍貴文物展出! 我地星期六中午去都即刻可以入場, 2:00 pm 開始排隊既人龍已經有 5 個蛇餅, 大家都好熱愛 Mummy, 不過都真係好難得可以係香港見到, 平時要去大英博物館先有得睇架
6 個 mummy 入面其中一個竟然名為 A Young Man mummy!! Young Man 小明豬見到真係笑爆! 大叫: 「我死喇! 我死喇!!」
入場已經黑漆漆大家排排坐睇電影, 投射幕牆介紹內斯達華狄特既生平
見到喇! 見到喇!! 木乃伊呀!!!
內斯達華狄特的木乃伊曾被誤認為是男性達 55 年, 研究人員一直沒有解開包裹的麻布和裹屍布, 往後的人亦只憑當年的 X 光分析, X 光片顯示其下體有陰影所以一直以為是一名男士, 至數年前, 大英博物館引入了電腦斷層掃瞄技術 Computed Tomography, 即 CT scan, 以合成圖像分析木乃伊的身體結構, 研究人員終在 2 年前才確認「內斯達華狄特」是一名女性 ^^
內斯達華狄特的木乃伊和棺木有超過二千年歷史, 內棺木刻上古埃及的冥文, 講述她的生平, 亦有一些圖像代表神明庇護
6 層夾心, 唔怪得可以保存咁多千年啦!
「頂角錐石」是古埃及王族陵墓金字塔頂部的「壓頂石」, 呢個烏賈霍的頂角錐石以密度高的石灰岩製作, 重量超過 200 公斤, 四面都刻有咒語, 神話及古埃及文字, 用意是讓墳墓的主人可以在死後與古埃及的神明包括太陽神阿拉和喪葬之神 (埃及神話中的冥王) 歐西里斯等聯繫
船是古埃及一種重要的交通工具, 呢個模型代表死者前往墳墓的旅程, 也象徵向死後世界進發. 船身中間是一具躺在葬床的木乃伊, 兩名女性站在葬床可能代表冥王的妻子伊西絲和姊妹奈夫蒂斯, 手執紙莎草紙的男人可能是讀經祭司, 正誦經幫助死者到達死後世界
阿努比斯神通常被刻劃成一頭看似胡狼的犬科動物, 是喪葬之神, 黑色代表重生, 它負責保護墓地. 在埃及神話中, 阿努比斯把歐西里斯 (埃及神話中的冥王) 的遺體製成了第一具木乃伊, 歐西里斯的妻子伊西絲使歐西里斯復活, 後來歐西里斯成了死後世界的判官, 他會將死者的靈魂與真理羽毛 (Feather of Truth) 放在天平上作比較, 因罪孽而變重的靈魂會被阿米特 (Ammit) 吞噬, 而那些輕的靈魂則會被送往雅盧 (Aaru), 於是一般人都希望死後被製成木乃伊成為歐西里斯, 而遺體防腐師就是阿努比斯的代身
如何製作木乃伊? 梗係最有興趣啦! 腦部要經由鼻腔取出, 諗起都打冷震
電影盜墓迷城入面, 4 個美國人就係偷左炎酷鐵呢 4 個卡諾皮克罐而招致殺身之禍, 終於親眼見到喇~~~
卡諾皮克罐是重要的喪葬用具, 古代埃及神話中法老的守護神荷魯斯有四個兒子, 他們分別保管裝在四個卡諾皮克罐 (canopic jars) 裏的死者的內臟: 胡狼 Duamutef 多姆泰夫 (胃)、鷹隼 Qebshenuf 凱布山納夫 (腸)、狒狒 Hapi 哈碧 (肺) 和人頭 Imset 艾姆謝特 (肝臟)
古埃及既醫藥都包括乳香, 主耶穌收到東方博士既禮物之一, 就係最左手邊的一餅 ^^
荷爾的帶銘文布條, 屬於一名叫荷爾的書吏及祭司. 布條長 4 米, 記載了《死者之書》的咒語和插圖, 以往祭文通常抄寫在紙莎草紙上, 銘文附在布條上, 是希望貼近遺體, 加強功效和減少被盜的機會
古埃及的家庭, 由於小孩出生和幼兒時期的死亡率很高, 埃及人很重視生育, 確保下一代健康成長
埃及小朋友玩既玩具, 同現代小朋友玩既差不多呢!
Finally..... Young Man meets a Young Man :D
A Young Man 來自公元 140-180 年的羅馬時期, 防腐技巧已截然不同, 沒有處理內臟仍保持得非常好, 腦部似乎從後尾枕取出, 透過 CT scan, 知道佢既死亡年齡大約 17-20 歲, 連裹屍布 151 cm, 估計身高 149 cm (以前既人真係好細粒), 病理情況竟然係患有蛀牙!!!
不過佢地已經冇心機睇, 因為夠鐘玩新奇刺激既遊戲 -- 神宮迷陣
非常有迪迪尼既感覺, 集齊一班人先講解遊戲規則, 再有專人帶你入密室玩遊戲
要有觀察力, 要有好記性先可以破解迷團, 又要一班人合作先可以開機關, 仲要計時攪到大家好緊張, 會唔會困住係密室變木乃伊??? 好在我地在最後一分鐘成功逃離迷陣, yeah!!!
好好玩, 一出迷陣小慈小明已經話想再玩多次, 極力推薦大家玩, 科學館誠意之作, 道具逼真, 遊戲創新, 就算要排隊攞飛都要去玩呢個遊戲呀!! 推~~
俾呢兩姐弟笑死!
展館仲有好多其他遊戲架
小慈小明的埃及名字, 好得意
玩玩下俾科學館既能量球吸引左出去, 我地已經逗留左係埃及 4 個鐘頭了, 真係好多野睇, 好多野玩 ^^
因為太攰, 見到有櫈即刻坐底, 唔理係咩都睇下先 >v<
成頭都係蝴蝶
電腦遊戲幾時都咁吸引, 最開心係冇壞到可以玩丫麻! 今次化身香港麻雀仔, 飛均全港尋找可棲息既地方, 搵朋友, 搵食物
呢個揸車遊戲就真係排左好耐喇, 電腦模擬駕駛但超難控制, 我有車牌都差 D 炒車真係唔係講笑 @.@ 小慈小明就揸得好過我, 第一時間走去揸的士接到客超開心!
要走喇, 真係玩到唔捨得走! 路經精品店估都估唔到所有木乃伊產品已經被搶購一空 @.@ 店員話入左幾百隻埃及鴨都賣晒翻唔切貨, 弟弟眼利先俾佢見到個架邊有盒 mummy 仔攝住, 咁都俾你見到就買啦 ^^
真係紀念品, 呢隻 mummy 仔好迷你
沒有留言:
張貼留言