遠近慈明: 7月 2015

2015年7月31日星期五

假校結業禮

一連 5 日既假期聖經學校眨眼就完結, 小慈小明好唔捨得要結業禮, 但又好興奮要結業禮因為爸爸黎觀禮呀!!

呢幾個鬼馬既同學仔係小慈既好朋友

呢張相真係好震撼! 100 位小朋友加 24 位導師, 仲有冇上台既好多位姨姨叔叔, 台前幕後好多人參與, 佔用晒成間教會先攪得掂, 好勁呀!

經過一輪精彩熱舞表演就到頒獎典禮, 小明攞到「能言善辯獎」, 美化左佢多嘴講唔停既事實

多謝嘉暉姨姨, 辛苦晒!

小慈攞到「精靈機智大獎」

多謝楚珊姨姨! 讚小慈上堂專心又合作, 好幫得手!

仲有彭校長, 辛苦晒!

讓小朋友到耶穌跟前來, 讓神的話語、價值觀從小建立, 願意友愛鄰舍、互相服侍, 常存感恩的心!

2015年7月30日星期四

假期聖經學校 2015 之最佳拍檔

活動一浪接一浪, 假期聖經學校開學喇~~

姐弟裝醒目出場

今年有 100 位小朋友入學, 好熟都要戴番個名牌

小明第一年參加假校, 已往幼稚園返全日同埋得一個星期暑假, 無緣參加

小學初級組喜樂班, 嘉暉姨姨做導師

小學中級組忍耐班, 楚珊姨姨又做小慈導師, 佢好開心

笑到咁衰弟弟梗係不懷好意撩人鼻哥啦

假校最開心就係廣告時間, 一班哥哥姐姐傾力演出笑到成班小朋友碌地

除左學詩歌, 今年仲有連姑娘教手語

歷奇活動

要穿過但唔可以掂到繩, 都幾難玩架喎

小廚師整飯團, 小慈整左個大頭笑樣, 小明整左 5 舊, 全家人連工人姐姐都有一粒, 最大個舊當然係爸爸架啦~

手工時間弟弟整泥膠磁石貼

高年班整水晶球

呢對咁可愛既龍貓環保袋係小慈小明努力玩攤位遊戲贏番黎架

教會仲每日包午餐

係姨姨們每日新鮮炮製, 好味又有營養, 多謝姨姨!!

小明都話好好味 :)

2015年7月26日星期日

忍者 BB 班

國際綜藝合家歡每逢暑假就有一連串精彩節目俾大小朋友欣賞, 我地今日去睇兒童劇「忍者 BB 班」

我地仲同埋朋友仔冬晴柏苗一齊睇!

大個喇, 鍾意同小朋友一齊坐會自動調位, 家姐同家姐坐, 細佬同細佬坐

「忍者 BB 班」故事內容講述忍術學校是一間可由幼稚園讀到上大學的一條龍忍者名校，培育善良忍者而聞名。忍者分階級制，校長領導層屬於高級忍者「高忍」，師兄們係「中忍」，再次一級係「下忍」，新入學屬於「BB忍」

新入學的小次郎和他的 BB 班同學, 除要適應校園生活、學習成為強大忍者外，更馬上面臨大挑戰！原來忍者大壞蛋潛入學校搗亂，忍術與武術高強的校長和師兄全告失蹤，小次郎唯有與同學合力出動，肩負拯救忍術學校的重任！這班忍者新丁能否化解今次危機？

BB 班同學花花、小次郎同埋加賀

我特別鍾意間學校得 5 位學生既呂校長, 話自己靚成日要補妝

5 個小孩一齊感動邪惡忍者 Friend 唔好「炸」校

忍者既武器

一路青空既演員真係做得好出色!

忍者小百科

忍者是指古時使用忍術隱身潛入敵軍、城堡的間諜。忍者喬裝成路人或閒人等、使用手段欺騙對方，從事忠於主人的間諜活動。由於職務關係，不能說出姓名或公開身份執行任務，作為一名忍者，他所掌握的武術不是為了打倒敵人，而是為要成功逃跑，帶回情報。

忍者為了從事閒諜活動而使用的特殊技能，通常稱為「忍術」。忍術的內容非常豐富，包括使用設法逃走的武術掩眼法、躲避對手攻擊的格鬥術、間諜活動中不可或缺的收集情報能力、化裝成別人的易容術、蒙騙敵人的心理戰術、潛入敵軍的潛入術、在荒山野嶺生存的野戰本領，以至調製藥品以製成毒藥、療傷藥和火藥的藥學知識等都包括在內，忍耐與鍛鍊是忍者的入門規格。

另外，忍者使用很多特殊武器和道具，例如「手裏劍」（又稱飛鏢）是一種專用於投擲的小型刀劍；隨身攜帶的「苦無」則是一把形狀如鐵製雙刃刀，用途與求生刀相同；穿上踏雪鞋托「水蜘蛛」，便可以行走於水上。