今日天氣超好, 唔凍, 仲有藍天白雲, 係進行戶外活動既佳日
上年農曆新年去就有棵勁大桃花樹, 今次係聖誕假就有雪人, 好應節呀 ^^
唔知點解, 一凍, 北極熊就會出現
周圍行下先~~ 平日既好處就係真係少人好多
今年票價冇加, 依然 $10 / token, 不過呢個溜冰場就超貴
場內有好多迷你地標模型, 更有王子公主皇家馬車, 不過小慈小明唔喜歡, 反而鍾意 Beatles 話佢地 D 髮型好攪笑
舊年爸爸要返工黎唔到, 今年終於俾面撐公司場, 冇見一年變左大肥佬!? @.@
小慈正處於唔大唔細階段, 想玩踫踫車機動千秋又唔夠高, 望黎望去, 竟然肯玩呢間有少少探險成份既 Fun House
冇諗過間屋係單程既, D 野未睇真就出左去, 超唔抵!
唯有係出口前呢個滾輪度賴死唔走
開始喜歡冒險! 呢間反晒光既玻璃屋係一個迷宮, 佢地又有興趣玩! 家長係出面等, 周不時聽到「嘭嘭」聲, 原來係小朋友睇唔到玻璃就咁撞埋去.....
估錯呢個比舊年更高既吹氣彈床會吸引小慈小明, 點知都係玩得一次就夠皮, 但有興趣食棉花糖
更加有興趣玩攤位遊戲
不負眾望中左 2 款唔同造型既醫神, 好開心呀!! 多謝天父 ^^
偶遇小丑, 要高歌一曲先有汽球, 小慈小明真係唱
玩到落雪添! 成頭都係好攪笑
財散人安樂, 入黎玩 2 個鐘都 fing 左五舊水架! 高消費玩意
呢兩句係我地成日同小慈小明講既說話, 笑死 :D
兩姐弟鍾意搭船
醒目既一定坐船頭
玩到日落西山
好靚呀!!
Happy Day~~
