今日有同學仔周恩玲一齊玩, 等緊旅遊車時兩個一齊睇圖書, 好乖啊~
今次目的地好近, 車程唔駛半個鐘
淨係一架車既大合照, 今次參與人數好踴躍, very good!
第一站參觀人類民族館
好多樂器
有哥哥講解舊式洗衣機
用牛皮造既印第安帳篷
小明特別鍾意呢棵仙人掌
參觀講解成個展館歷時一個鐘, 小朋友算好耐性
小明族長, 一支支飛出黎既係野豬既獠牙, 小明數口好精, 一隻豬得兩隻牙, 呢度咪好多隻豬? 澎澎好慘啊.....
坐得太耐係時候活動下, 第二站充氣彈床
任玩, 正!!!!!
兩姐弟最鍾意由最高點跳落黎, 幾驚佢地拗柴呀!
山羊出沒注意! 小明終於突然破左自己既心理障礙同山羊近距離接觸, 仲執晒成個公園既枯葉餵佢地
第三站整麵包
小慈整左個有餡餃子包, 爸爸既係提子圈, 小明係一條瞓係泥地既蛇, 我整左隻豬
製成品都幾好味, 左邊最高個份就係小明既泥地蛇, 佢後來係倒晒半碗朱古力碎落條蛇度, 話泥地係咁架喎, 實情係想食朱古力就真, 咁都諗到真係
第四站整沙樽竟然好有興趣, 小明整完一樽仲想整, 葉老師路過 ^^
呢個係一個唔錯既專注力訓練, 成班小朋友全部整得好有心機
重頭劇 BBQ!!! 幼稚園第一次試行午餐自助燒烤, 好 ok 喎! 環境非常之好, 食物充足, 火力又夠, 食物橫放好快就有得食, 一張枱兩個爸爸絕對攪得掂餵飽全枱人, good job!!!
秋秋發明蒜蓉燒青口, 超級好味呀!!!!
袁梓晴爸爸就用整麵包既錫紙整蔬菜包, 點美極超級好味!!! 食到好飽 ^^
爸爸好野!!
好開心既一次親子旅行, 小明餵羊餵到唔捨得走 ^^
沒有留言:
張貼留言