我地覺得挪亞方舟好好玩, 一來我地係基督徒熟悉聖經人物非常有代入感, 二來方舟真係好宏偉, 望住都眼濕濕
方舟入面好多野玩, 其中一個都幾隱閉既攤位叫做「給未來自己的信」, 寫一封信俾自己然後寫埋寄出日期, 挪亞方舟就會依時依候寄俾你
小慈同巧巧一齊寫信, 當時讀緊 K3 既佢地真係字都唔識多隻
寫完喇! 寄得喇! 我幫小慈填左 2 年後 8 歲生日收信, 佢仲呱呱嘈話好耐, 想聽日就收到
唔覺唔覺, 兩年已經過去, 我隱隱約約記得有件咁既事, 不過冇上心直至真係收到!! 小慈當然完全唔記得啦~~
小慈好驚喜, 好開心! 不過見到自己既畫功即刻擰晒頭, 話而家畫得靚好多好想再畫過, 哈哈哈哈 :D
弟弟更加唔知發生咩事, 不停問我點解冇佢份
我都唔係好記得信既內容, 小慈一讀完, 除左話自己以前識得咁少字之外, 佢話佢而家希望長大後成為鋼琴家喎! 果然我的志願係成日都會變既 ^^
好有意思既一件事, 下次再去挪亞方舟, 一定會再寫多次信俾未來既自己! 小慈話封信佢一定會自己寫晒, 唔駛媽媽幫手 ^^
沒有留言:
張貼留言