我地係守諾言既父母, 講得出就做得到, 紅假第一日就有....
驚喜 1, 搭船入南丫島食海鮮
驚喜 2, 同一班由未出世玩到大家 8 歲既朋友仔一齊切蛋糕
驚嚇 3, 一齊行山
驚喜 4, 沙灘掘出恐龍蛋
今日就俾個驚喜 5 佢, 去玩具店自己揀生日禮物 :)
俾 budget 小慈自己揀, 勁錫弟弟既佢, 分左$100俾弟弟一齊揀玩具, 皆大歡喜 ^^ 估都估唔到小慈會揀公主城堡, 自己砌左兩個鐘頭
兩姐弟做咩咁既表情?
驚喜 6, 小慈近來勁鍾意 Frozen 入面既 Elsa and Anna 公主, 機緣巧合下俾我搵到個 Frozen 蛋糕送俾佢, 開心到不得了
驚喜 7, 爺爺嫲嫲遠道而來為小慈慶生
一家人一齊梗係開心啦~
多謝嫲嫲既大利是, Love you ^8^
2014 年 4 月 20 日, 小慈 8 歲正日生日, 亦都咁岩係耶穌基督復活升天, 戰勝死亡粉碎黑暗權勢, 拯救我地罪人脫離邪惡進入光明既日子, 好有意思, 感謝神, 多謝主耶穌 ^v^
主日學有特別活動, 分組比賽設計復活蛋及口號, 爸爸組得亞軍, 媽媽組冠軍, 勁驚喜 ^^
仲有禮物收
復活節商場裝飾得好靚
驚喜 8, 好心急, 好心急, 小慈既生日願望竟然係去溜冰
第一次帶小慈溜冰, 佢得 4 歲大, 可能感覺良好, 成日都話要再去! 第一次著 26 號鞋仔, 而家已經要 31 了
於是, 6 歲生日又係要求去溜冰, 仲益埋 3 歲半既弟弟獻出佢既第一次, 弟弟對腳仲細, 第一次著 24, 而家 28 :)
今年 8 歲, 已經高過企鵝仔好多 ^^
落場了~~ 其實小慈唔要企鵝先生都得, 不過企鵝先生個樣實在太趣緻, 淨係呢度先有架咋!
弟弟都溜到揮瀟自如, 最鍾意推開隻企鵝再自己滑前去捉番佢
最犀利係爸爸, 一個拖兩個仲有兩隻鵝極速溜冰
溜冰已經溜左兩個鐘都未夠皮, 繼續去公園放電
呢個天台公園好好玩
弟弟玩到成身濕晒, 小慈竟然滴汗不沾
肥 d 都唔可以一齊滑落黎, 呢兩姐弟仲有位剩, 可想而知佢地真係幾 fit
呢個踩單車氹氹轉極受小朋友歡迎, 大家坐到唔想走, 唔暈咩?!
玩到日落, 趁 d 蚊未出動前, 閃!
壽星女話要食壽司, 3.60 既壽司又得意又新鮮, 好味過元 X 好多呀!!
爸爸媽媽弟弟最錫既小慈, 祝你身心靈愉快健康, 繼續笑口常開, 活潑開朗, 愛人如己, 凡事謝恩, 一生一世有恩惠慈愛隨著你!!
We Love You very very much!!! Happy 8th Birthday, Grace! Kiss Kiss Kiss ^8^
沒有留言:
張貼留言