海馬公園

我認識既佢, 曾幾何時真係叫海馬公園用海馬做標誌架!  好開心佢終於用番海馬做主題, 親親動物月兒童節後正式開幕~~

多謝爸爸換左 4 張免費飛, 趁住今日係兩星期內難得既晴天暨清明節公眾假期, 我地去海馬公園玩喇  :)

好耐冇見過既藍天 ^^

我地決定快快趣搭海洋列車上山頂玩, 又係呢個位俾人捉住影相!  都好, 有一千零一張全家幅

列車來了

兩姐弟竟然好緊張, 怕左隻八爪魚

一到山頂, 小慈被機動遊戲吸引住

小慈夠高玩, 小明仲有一段距離

準備起飛!  小慈玩完話頭暈  >.<

冇得玩既小明已經去左一轉探企鵝, 等小慈家姐飛完即刻扮導遊帶佢再去多次

呢隻南跳岩企鵝個樣真係好招積

真身個樣仲囂張, 好似天生做大佬咁

咁岩遇到餵飼時間, 不過唔係隻隻企鵝想食, 餵到埋嘴邊都唔開口

小慈話好難相信以前海洋公園有殺人鯨, 話好想睇下

終於有隻機動遊戲岩郭小明玩, 清明節比我想像中少人, 排一陣就有得玩

午餐時間!  由乖乖小慈為大家捧上咖哩魚蛋, 雞脾珍寶腸

嘻嘻, 小慈又夠高玩激流了, yeah!

鬼鬼祟祟瞄咩?

原來小慈要報仇, 頭先俾人射到濕晒

小明又唔夠高冇得玩激流, 不過佢冇執輸行左兩轉熱帶雨林探險徑

真係好刺激, 小明最鍾意隔住厚玻璃睇到蛇呀, 蜥蝪呀, 毒青蛙呀, 食人魚咁, 最安全好睇

唉!  今日唇紅面滑咁唔似熊貓添  >v<

搭登山電梯去急流天地玩 N 年冇玩既滑浪飛船

可惜要排 45 分鐘先有得玩飛船被迫放棄, 意外造就左夠高既小慈玩太空摩天輪!  小慈有 d 驚, 不過全程俾我攬住又 ok, 今日好勇敢做好多新嘗試呀!  叻女!

為免小明失望今日好似咩都冇佢份咁, 爸爸額外開恩 $10 / 2 分鐘既射水救火遊戲都俾佢玩

呢個射水抵玩呀, 射中目標竟然有爆炸效果, 水花四濺

第一次坐扶手電梯

3:00 pm 我諗住叫早落山都要排 20 分鐘先有得坐吊車, 殺時間既最佳方法梗係飲飲食食啦

無敵海景, yeah!

弟弟近來又唔似我了

小慈攝影師影得唔錯啊

埋黎睇埋黎揀, 有大過我個頭既大西瓜, 又平又好食!

千年蔬果海洋公園獨有, 唔買就走寶喇~

今日得樂樂出黎娛賓, 盈盈要接受人工受孕呢埋休息

海獅開心站同天上皇者係小慈小明必睇既節目, 唔睇過唔似去過海洋公園啦

親親動物月仲有新野!  威威天地海神殿上演布偶劇「小布偶深海遊記」講述海神王子 Triton 對抗海洋魔獸的奇遇 (其實係遇到膠袋), 攜手消滅海洋垃圾齊齊為保護海洋出力

梗係唔少得去遊樂場玩啦!  出晒汗要換衫, 好在冇俾蚊咬

海馬公園終於用番海馬做主題, 我地去新開既海馬探知館睇海馬

海洋公園今次借左 14 種人工繁殖品種珍貴既海馬俾大家睇

偽裝術高超既海馬扮緊海藻

就係佢地喇!!  全球體型最小 長度不超過一吋既「侏儒海馬」要落足眼力先搵到架

兩姐弟玩遊戲玩到七情上面

好好睇呀!

話咁快就天黑, 去埋海洋館摸海星

牧師, 你好!

逢親見到個恩字小慈就好興奮

今日海洋公園 7:30 pm 就關門, 有 d 唔係好夠喉!  睇完雙龍奇緣經過商舖, 小明對隻八爪魚愛不釋手

爸爸話八爪魚睇一陣就好攪笑, 望真 d 好醜樣下, 遊說弟弟好耐轉買巨嘴鳥

好餓, 兩姐弟今晚 KO 左兩碟馬拉盞炒通菜

一年一度既海洋公園之旅完滿結束!  感謝天父今日天氣真係好好!!!