歷史博物館

恐龍展 4 月 9 日 last day, 今日係最後一個週末展期, 臨別秋波帶弟弟去睇多轉, 點知, 人山人海不特止仲要落大雨, 於是我地走難式咁呢左入去隔離既歷史博物館, 驚喜地發現勁好睇!

香港既歷史, 由四億年前開始

火山爆發, 地殼移動, 風吹雨打, 終於由一堆沙石沙灘島嶼砌出香港, 有陸地自然有森林, 不過冇估到係博物館入面起左個森林出黎, 樓底仲要好高要抬頭望好耐先搵到隱藏住既雀仔, 馬騮, 蛇..... 不同既野生動物, 弟弟見到老虎驚喜到不得了, 假既都睇到唔捨得走!  無錯, 香港以前係有老虎既, 樂富其實係叫老虎岩

不同種類既貝殼, 石頭

冇幾耐就有人居住係香港, 開始種米

建屋起祠堂

鄧氏家族既盆菜呀

各位觀眾 ------ 搶包山

舞獅, 飄色巡遊

香港最多既石就係佢地三父子坐緊既花崗岩, 爸爸大學主修地理, 絕對係開正佢個範, 天文地理歷史咩都識, 有問題就舉手問佢啦 ^^

香港以前既人力車

岩岩小慈常識科學緊英國時期管治既香港同回歸中國後既香港, 呢個歷史博物館岩晒佢睇, 有圖有真相, 即刻明晒  ^v^

實在太多野睇!!  我地睇左兩個鐘只係睇得一層, 仲有三層既歷史博物館未睇, 但又要去睇恐龍喎!  唯有下次再黎嗒真 d 歷史啦!  全部實景真係好好睇呀!!!

已經係水尾架啦, 估唔到都咁多人!  入場都要排隊, 龍尾去到天橋底不特止 d 職員仲話要 1 個半鐘先入到場, 嬲到爸爸想即刻走!  不過弟弟施展軟骨化戾氣嗲功, 安慰爸爸佢會好乖, 唔會扭計排幾耐都一定要入場!!  難得佢咁堅持, 好在條隊都去得好快, 最終我地只係排左 20 分鐘就入到場, 唔識真係俾 d 職員嚇走晒, 絕對有趕客之嫌.....

再探多次暴龍, 摸到堆山咁高既恐龍屎, 再發掘多次恐龍骨, 心滿意足了~~

恐龍展咁大製作又咁好睇, 弟弟唔捨得佢拆呀!