Summer Camp Day 1 @ 貝澳

上次冬天冇得游水, 所以夏天再黎一次!!  我地又去貝澳喇!  今次更加玩盡佢三日兩夜, 當自己去左旅行~~

我地今日返完早堂再入東涌食晏兼去超市補充物資, 有兩位壯丁幫手攞野

包場!  包左一個 8 人營, 2 個 4 人營 & 2 個 6 人營, 我同 VV 兩公婆共享 4 人營

靚媽寶寶入面有 3 對姐弟, 今次安排兩個細佬一個營

兩位家姐仲孖舖添 ^^

放低行李即刻去沙灘玩!

已經咁大個我地冇帶沙灘玩具, 執到咩就玩咩

梗係要踢下浪花

黑沙呀.... 小慈唔好亂黎

得閒影下全家幅

靚媽出靚女, YEAH!  實情係 D 仔落晒水 XDDD

營舍有衝浪板免費借俾我地玩, 小慈怕麻煩聽日先游水

同爸爸玩飛碟, 咁大個沙灘真係幾好飛

弟弟之前已經玩到濕晒, 索性換泳衣直接落水!

三位等浪的少年

衝呀~~~

瞓好, 等個浪推你向前

完成!

好好玩呀!  呢個時間退潮真係浪接浪, 超級開心!

型!

玩到冇電要補充體力

今晚係 BBQ 之夜, 辛苦兩位大廚燒晒俾廿幾人食!

仲要樣樣都好好食!  專登一早揸車去買海鮮再冰鮮送入黎架!

天氣實在係太熱, 個個呢晒入營嘆冷氣玩遊戲, 食物燒好先呼喚呢班年輕人起筷

秋秋都好識享受

我地一班媽媽善後, 一面洗碗一面傾盆大雨落極都仲有, 好經典呀!

攪掂!  夜已深, 要瞓了....   to be continue

 

中學生營

本來諗住疫情未穩定呢個暑假冇活動架啦, 點知教會竟然舉辦中學生營!  不過為保安全只舉辦日營, 升中二已經可以參加, 小慈小明又可以一齊玩, 正呀!!  又因為日營, 需要帶既野非常少, 行裝非常輕便, 一個背包攪掂~

大會營 Tee 設計簡約, 顏色仲好特別添!  主題: 以愛同行

8:45 am 返教會集合

小明同小慈唔同組, 小明導師係 Glenda & 英傑哥, 小慈跟偉強哥 & 浩恩

睇小慈 IG 知道佢地已經入到北潭涌度假營, 雖然天陰, 但所有戶外活動都冇落雨, 天父對佢地真係好好!  

弟弟呢組影好多合照, 好攪笑呀!

今年重金禮聘一位活動經驗非常豐富既阿 Sir, 再加埋教會導師們落水協助, 所有遊戲都非常好玩!

矇晒眼幾咁既刺激

Team building game

拍呀, 小明!  拍呀!

自組飯腳, 小慈小明同心嵐一枱, 笑死了!

Team building games 2

小明話行呢條石春路最辛苦, 佢仲要用跑 @.@  極度投入參與每個項目

於是第一日回程時就暈左.... 由上車瞓到落車

日營 Day 2, 油塘集合 

原來玩槍戰呀!!

完全唔知邊個打邊個

重裝備

點解會有時間夾公仔???

槍戰有獎金, 成敗絕對影響你晚餐食咩!  呢份係小明組既晚餐

小慈的

呢個活動叫 一人之境

組員對小明有非常好既評價!  媽媽喜出望外 ^^

小慈組用口傳, 所以組員冇愛我請留言, 反而小慈自己立志時寫感想

好好呀!  好好玩呀!  辛苦晒咁多位導師!!  如果第一日係北潭涌可以過夜應該仲開心, 組員會更加深入認識!

期待小慈小明能夠和天父有更密切既關係, 經歷神更加多!  在主內扎根!