行程包 fish spa, 開心到小慈小明飛起, 浸到唔願上水 ^^
Safari 好多野玩, 睇馬騮表演
大象表演
$100 baht 買梳香蕉, 象仔問小明討食
小明一個唔留神就俾象仔捲走成梳香蕉, 2 秒就俾佢連皮食晒!!! 仲以為大象個口好細添...
梗係知佢唔甘心啦! 俾多 $20 baht 同象仔合照, 見到紙幣, 象仔二話不說就識將條象鼻放上弟弟個頭度 >v< 小明話原來大象皮膚好粗糙架
仲有得摸象牙筷子, 好硬呀!
小明太鍾意大笨象, 我地就去騎大象~
大笨象隊好壯觀 ^^
我地隻大笨象係女仔黎架, 今年 25 歲, 聽唔到佢叫咩名, 佢曳唔肯行俾象叔叔打左佢幾次..... 我地心都實埋, 起晒雞皮, 頭皮發麻...... sigh..... V_V
後來象女乖番, 我地即刻餵佢食香蕉
象叔叔用草織左條頸鍊俾小慈, 開心到佢不得了
去坐牛車
唔知係路面不平定牛牛既步履不穩, 超 chok 呀! 差 D 暈車浪
呢隻黑牛靚仔又有型, 即刻同佢影相先
好乖, 除左個頭擰去食草之外完全唔郁架佢
參觀橡膠示範
呢棵就係橡膠樹喇
橡膠點黎架呢? 原來就係要用刀劏開少少樹皮取樹汁, 白色個 D 就係喇
呢 D 一塊一塊既就係橡膠
橡膠既製成品包括水鞋, 車呔, 蛙鞋, 手套等等
水果樂園擺設用水果設計, 動物園擺設當然用動物設計係好合理既
一直都聽到成個動物園有人唱歌, 原來就係呢位 9 歲既泰國小妹妹, 國語廣東話英文歌全部都識唱, 好厲害! 知我影佢相仲俾個 Yeah 我, 睇黎佢好 enjoy 有人注視, 小慈就打 C 都唔肯唱番首歌
坐車返酒店時有呢隻不知名昆蟲仔陪弟弟玩, 佢非常溫柔, 不過最後隻昆蟲都壯烈犧牲左 >.<
今晚我地決定幫襯呢間餐廳, 重點 -- 佢有冷氣 ^^
龍蝦呀!!
名副其實 open kitchen
等食的小孩
係泰國要搵一間有冷氣既餐廳一 D 都唔容易, 感恩我地遇上 ^^
噴火既冬蔭公湯, 好正呀!!
炒蜆都好正
串燒就一般, 攪笑地有麵包配埋
好飽! 今日去左好多地方行左好多路, 攰 C C, 大家都好早瞓 :)
(to be continue)
