愛情保鮮系列

8 月 8 日係我地既拍拖紀念日, 雖然已經好幾年冇慶祝, 今日心血來潮俾個藉口自己同秋秋兩口子出街拍下拖, 梗係揀拍拖紀念日先夠應景麻 :DDD

我真係好鍾意食花園餐廳既牛扒, 係得觀塘呢間我先覺得好味!

相識相愛於微時, 我地第一次約會就係觀塘麥當當, 可惜而家已經拆左, 但我地既愛仍在, YEAH!

I Love You 秋!!

暑期音樂班

今年轉左形式, 唔再係為期兩個星期既一二四五上晝, 反而係同平時兒童詩班初級詩班一樣既時間星期六 5:00-6:00 pm.  都好架, 唔駛咁頻撲, 同埋俾大家習慣逢星期六返教會唱歌 ^^

小明既導師係 Phoebe 姐姐

你睇呢位小朋友幾自由奔放

大家都好集中精神呀

咩事呢位仁兄要做手勢呢?

Phoebe 姐姐教得幾開心

點解小明次次都坐呢個位既呢?

靖僖第一次參加暑期音樂班

嘉寧姐姐再一次任教, 好懷念佢以前教小慈小明的日子 :)

小明的假校

小明獨自參加由教會舉辦為期一連 5 日既假期聖經學校, 好叻仔, 自己搭巴士出去同自己返屋企, 上車落車都有交帶, 大個仔呀!

今年主題 -- 超級英雄!!  張海報好型呀!

溫柔班的郭小明

May 姨努力製造英雄襟章

辛苦晒多位導師, 哥哥姐姐, 姨姨叔叔, 校長佈置到假校咁吸引

仲要多謝每日煮 150 人份量, 名符其實係大穫飯既咁多位姨姨!!

每朝返到教會取名牌, 集體學唱詩歌!  今年首主題曲係校長婷婷姐姐作架!

廣告時間同埋進殷哥哥係最受歡迎的

導師係柯先生, 開心到不得了!

仲有泰國神學生

每日背一節金句

小明的心聲

上完堂就開餐架喇~

玩遊戲

小明辛苦整既紙米卷, 材料豐富到爆開呀!

最期三打風冇左半日, 好在唔影響最好玩既攤位遊戲!  

小明嬴左佢想玩好耐既海盜木桶叔叔, YEAH!

話咁快 5 日就過去, 今日假校結業禮, 爸爸專程去觀禮 :)

五位超級英雄出場了!!

小明贏得計仔多多獎!!  柯先生真係好了解佢  :DDDD

辛苦婷婷姐姐校長, 返假校真係好開心 :)

So Long, Farewell

我既好同事 Joey 食左肥雞餐原先 6 月 30 日要走, 但 extend 多一個月, 我就 exchange 兩個星期, 本來今日應該得我一個 last day, 多謝 7 月31 日中午無端端掛 8 號風球冇左半日, 造就 Joey 要補番半日 (佢話 handover 唔晒喎)  Anyway, 我地雙 J 最後齊上齊落咯 ^^

由我第一日入黎呢度做野, Joey 已經非常非常照顧我, 係我既長期飯腳, 教我做野, 教我買樓, 睇住我結婚, 生仔, 又教我好多育兒知識, 點樣幫小朋友搵學校學咩興趣班等等... 無私既分享, 傾力既幫助, 我非常非常唔捨得你, 但我又好高興好開心你可以走, 唔駛再係度捱, 五癆七傷, 仔大女大可以提早退休嘆世界!

我諗左好耐, 亦搵左好耐, 終於決定整筒菲林俾你!  最寶貴既禮物莫過於將珍貴既時刻永久留住

點估到你都有禮物送俾我!?!  仲係一把刻字既木梳, 又有散水餅, 其他同事亦有禮物俾我, 一時之間萬種感覺湧上心頭, 過去的點點滴滴展現在眼前.....

從頭開始 一梳百順!  承你貴言!

初時係因為 farewell Joey Gary 連帶我都有飯食, 後來大家知道我轉部門都 farewell 埋我!  其實我仲係度啦!

庶務部同事請既呢一餐西貢海鮮最震撼!  連退左休既 Jo 姐同賢叔都有出席, 好高興!

大家都係好朋友, 好同事

食肥雞餐走既同事其實為數不少, 不過唔係個個位都會 fill 番

多謝晒你地既每一餐飯!  等我食左先減肥下!

呢幾位係高層的同事, 哈哈哈~

仲有我既舊老闆, 佢聽到我轉新部門開心到跳起, 因為知道新 Head 人品非常之好, 我能夠跟到一個好老闆佢替我好高興!!

多謝 Michelle 榮休, 佢既離開造就職位空缺, 形成音樂椅效應, 佢接你個位, 我接佢個位 ^^

舊部門都有約食 farewell 飯, 史無前例最人齊既一張相!  絕響!

原先諗住 last day 靜靜地, 點知部門攪個驚喜 party 俾 Joey, 整喊左佢啦!

再見老闆, 江湖再見

趁機影多幾張相, 一班合作無間既同事們!  祝福你地!

因為份禮物太貴重要派出私人保鑣 :D  Long time no see ah Raymond!

別了我的好同事, 好老師, 好朋友, 好家姐!

多謝!  珍重!  以後有緣再聚!!