越南 芽莊 Day 2

真正既 Good Morning Vietnam ^^  我用電話影到酒店全景了, 超靚!!

酒店包早餐, 兩晚收費 HKD $1867 都幾抵住

酒店有自家樂園及水上樂園, 1家4口門票大約 HKD$1000, 要撘 shuttle 去

識得坐梗係坐車頭

我地到 Vin Pearl Land 了, 奇怪的白雪公主迎接我地 :DD

好宏偉呀

非常有迪迪尼既感覺

未濕前影張大合照先 ^^

個 park 都真係幾大下架, 除左酒店住客, 我估好少外人入黎, 所以呢度咩都唔駛排隊, 好爽

著晒泳衣, 梗係先去 water park :)

繼怪異的白雪公主之後, 仲有勁好笑的沖身蜥蝪?!  非常有荔園 feel

大型水上充氣城堡係呢度既 signature, 梗係要玩左先啦!

要有家長陪同先可以玩, 但我同秋 2 個大人竟然可以帶 12 個小朋友, 突然多左好多仔仔女女 :D

佢地叫呢度做 Running Man

非常消耗體力既遊戲!!  跌左落水係要九牛二虎之力先爬得番上黎, 我投降

爭取時間, 我地得一日係 Vin Pearl Land 玩, 要立即轉戰上水樂園先可以玩晒所有遊戲

呢個大車呔托上山好辛苦, 但滑落黎好刺激好開心

呢條叫 Lazy River

乖巧的巧巧肯陪 Auntie 我一齊游水

弟弟其實未夠高玩呢條彩虹梯, 不過我地一湧而上職員都冇乎 :p

周圍都冇人既感覺真係好正!

好多遊戲都唔駛排隊好快玩晒, 小慈開始叫凍返去沙灘曬太陽玩沙飲椰青, 勁嘆

嘩!  呢度竟然有旋風薯片食, HKD $6 串咋, 平過長洲好多!

遇到食雞翼的白鴿....

超大朵大紅花!

真係形神俱備, 哈哈哈

因為肚餓, 又橫掂濕身要沖涼, 不如返酒店游一陣水先再去 park 玩機動遊戲

第一次 lunch at pool side, 一個字 -- 貴 @.@  呢個 burger HKD$90 啊!!

smoothie 就正常價錢, HKD $35

嘆世界的小明

由細玩到大的好朋友

呢個泳池籃球架真係好好玩!

沖個靚涼後又返去 park 玩機動遊戲, 呢 part 好似海洋公園.  Vin Pearl 集眾家之大成, 好野!

呢個衝天搖擺船香港都有, 小明想玩但未夠高

呢個老鼠過山車速度好快

最好玩係呢個越礦飛車, 前後玩左 4 次

我地又包車喇

準備出發!

一齊跳樓

日落的 Vin Pearl

開始天黑了

發光的城堡, 非常期待佢有煙花匯演, 可惜冇.....

funny house

鏡屋迷宮

see? 個 park 真係好少人架

發現好野!  呢個 Adventure World 其實係冒險樂園

最重要係所有遊戲不用入代幣, 免費任玩!!!

爸爸的佳音

兩個最鍾意玩氣墊球

騎馬仔

自從參加左籃球班, 小明對籃球興趣大左

三位摩打手

彈床都有, 連 Bouncy 都玩埋, 超正!!

開心 ^^  玩到關門先肯走

本來都想買 D 紀念品, 不過佢地既 product 真係好山寨 feel

樂園 9:30 pm 關門食肆都冇開, 於是返酒店叫 room service, 又係佢講既 15 minutes 又 10 minutes 又 5 minutes.... 終於等左成個鐘 D 食物先黎, 等到三位寶貝瞓晒......

唔理咁多, 越南牛肉/雞肉湯河最穩陣地好味, 一人一碗唔好爭

實在太肚餓, 小慈瞓瞓下都餓番醒, 史無前例極速食完!

倒頭大睡.....

越南 芽莊

我地呢一班由未出世就已經認識既小朋友, 平時都成日見面一齊去玩一齊長大, 3 歲既時候第一次衝出香港去澳門, 8 歲去新加坡, 10 歲去沙巴, 今年 12 歲準備升中, 小學畢業梗係要去旅行慶祝啦!  我地咁大班人本來想一齊上遊輪玩, 點知復活節係冇船的, 成班都係旅遊達人, 日本台灣新加坡已經去到唔想再去, 諗左好耐先諗到一個地方大家都未去過又岩親子旅行既, 就係「越南 芽莊」喇~~

舊年 11月尾訂機票, HK Express 叫做有特價, 2大 2小來回機票 $7800, 我地買左 40 kg 行李.  越南要做簽證, 經 airline 預先申請 single entry 每人要 US$5.5 需時 3-4 個工作天, 跟住會有 visa letter and application form 俾你, 一定要 print 出黎做落地簽證, 仲要每人預備兩張 4x6 cm既白底相片 and US$25, 想快既就俾 US$30, 如果唔係在機場有排你等先出到境.... 真係未見官先打 30 大板, 手續繁複到未出發已經唔想去...... 煩上加煩竟然係出發前兩個禮拜 email 通知你要更改航班, 由原先 2:xx pm 起飛 delay 1 個鐘頭出發都算, 回程最離譜, 由 5:30 pm 改到 10:00 am!!  即係朝早 8:00 已經要出機場, 冇左成日啊~~~  好唔開心!!!  佢免費俾大家改機票對我地黎講都冇用, 小慈小明翌日要返學啦.... 嗚~~  點解一日得一班機仲要唔係日日有機架!!  好唔抵但又洗濕左個頭冇辦法, 唔可以為左玩而曠課啦!

事情已經發生左, 唯有懷住樂觀輕鬆既心情去面對!  越南, 我地黎喇~~

復活主日, 時間非常尷尬返到教會又返唔到屋企攞行李, 攞住行李返教會又古古怪怪..... 唯有早 D 到機場 check in 寄倉, 飲個靚茶食飽 D 上路, 廉航真係一杯水都收你錢架 :p

朋友仔到齊喇, 航道偏遠要搭無人駕駛去登機

呢個旅程係獎勵小慈的, 由第一次呈分試已經講定呈晒分就去旅行, 佢真係望到頸都長架!!

我同爸爸都幾經辛苦先攞到大假一家人一齊去玩 ^^

Dress code -- children in Black.... cool :)

我地係靚媽好朋友, 12 年的友誼啊~

登機了, yeah!

自得其樂的小明

極度似樣的兩父女

2 個鐘頭飛機, 佢地之所以咁既樣係因為降落既地方竟然係一塊爛地, 沙塵滾滾完全唔似係國際機場...... 點都好, 到埗了 (一額汗中)

每人供獻 $30 美金都要 45 分鐘先攪掂落地簽證, 一行 28 人係好震撼既

第一時間換錢, $400 美金對 $8,960,000 越南盾, $1 HKD = $2,700 越南盾, 再簡單 D $3.5 HKD = 1 萬元越南盾.... 總之一落機, 個個變晒百萬富翁啦 :DDD

辛苦晒超級導遊 Bessy 姨姨同金牌領隊 Shirley 姨姨既安排, 一落機就有專車接我地出市區

時間已經係晚上 7:00, 係時候醫肚了!

司機叔叔帶我地去幫襯呢間餐廳, 我地 28 人又冇訂枱, 好在有位咋

一張長枱都坐唔晒

有中文字啊!  好感動!  一碟通菜都 6 萬幾.... 其實係 HKD $25 啦, 好平

到越南當然係食越南牛肉河粉啦, 配埋 Tiger 啤酒, 一絕!

小慈小明等食雞蛋炒飯, 但我碗粉實在太香加上佢地肚餓, 食左我半碗

一餐飯埋單 44 萬.....  哈哈哈哈 :DDDDDD

我地坐露天街邊位, 成餐飯聽到有人霹靂啪嘞咁拍枱, 研究左好耐先知道原來係炒雪糕, 超平十幾蚊杯, 唔食對唔住自己啦

我地試左士多啤梨、芒果同埋熱情果, 一致通過熱情果最好味 ^^

越南出名咖啡, 我地幫襯呢間 coffee shop 叫 Iced Coffee, 呢杯 Vietnamese Iced White Coffee 好好飲, 售價 $40,000, 仲平過普通茶餐廳既咖啡

一班機民

飲飽食飽, 司機叔叔車我地返酒店, 我地住呢間叫 Vin Pearl

首先 check in

好有型, 酒店座落係一個島上面, 要搭船入去之餘仲有嚴密既保安, 每人一張房咭影左你相認住左你個嘜頭, 出入都靠嘟咭

呢個島好大, 有幾間 resort, 落船之後仲要駁車, 千奇唔好等錯車去錯酒店呀

我地架車黎喇~

我地住 Nha Trang Bay Resort & Villas, 淨係 lobby 已經好大

Twin Bed 再加床, 小慈小明見到浴缸超開心

嘩~~  酒店房望出去夜景已經好靚!

載未鏡浸浴跳水係佢地自己發明既

終於捨得上水, 今次係呢幾隻公仔得到主人既寵幸可以出阜 :D

check in 時俾左錢加床, 點知發覺冇已經即刻通知 reception, 同我講等 15 分鐘, 再打去等 10 分鐘, 再打話等 5 分鐘, 足足等左個半鐘頭!!!  我班 friend 住4/F 我住 5/F, 好明顯佢地人手唔夠做晒 4/F 先上黎我度, 終於凌晨 12:45 先送床黎!  我眼光光等佢地, 小慈小明沖完涼已經瞓左, 秋秋就瞓下醒下咁等, 真係...... 要影低呢個經典場面

附上越南簽證張 application form, 極其複雜 for 大家 reference, 記得一家四口係要填 4 次的~

攰死我..... 瞓先