尋根 Day 2

第二天早晨, 酒店包早餐, 小明見到魚尾獅即刻掛住新加坡

唔駛問, 小明尋晚實在太好瞓

尋根之旅梗係要周圍行下啦!  冇返黎 11 年, 對上一次返黎就係結婚返黎擺酒, 我地一落直通巴士, 好客既親戚唔想我地拖住行李行成條街上樓, 於是請左架三輪車幫我地運行李, 點知呢個三輪車夫知道我地係香港黎, 異常熱情地 9 秒 9 搬晒所有行李上車後, 去如黃鶴..... 真係估唔到落車唔夠 5 分鐘就被三輪車夫偷晒所有行李!!  好在證件跟身, 否則.... 基於呢次經驗, 我對鄉下既印象真係麻麻地架

就係呢條街, 不過而家已經唔同晒樣, 以前沙塵滾滾, 邊有咁多電單車?  真係唔認得

 好在中國女排騰飛館都仲係騰飛路

中國女排, 唔講得笑, 勁!

中國既民主路!

嫲嫲故居, 已經拆卸

護城河都仲有保留

宋朝已經建成

街邊賣冰糖葫蘆, 出奇地好食!

中山公園, 爸爸同姑媽細個成日黎呢度玩

廿年如一日, 冇變

去百貨公司行一轉, 估唔到 D 野比我想像中貴

今日午餐又有著落

五姨一家請客, 五姨係嫲嫲既二妹

清蒸海鮮, 再用海鮮既汁煲湯及灼魚片, 好好味呀!

熊貓包好攪笑

呢位係五姨既女, 出世冇耐就冇左爸爸, 嫲嫲契左佢做女, 所以係爸爸既妹妹, 即是叫姑姐.  鄉下冇姑姐呢樣野, 全部叫姑姑, 所以呢位係 Lu Lu 姑姑, 路路姑姑, 小慈小明覺得呢個名超級得意叫左好多次, 氹到姑姑好開心

呢位車主係爸爸既表妹阿瑾姨姨, 佢怕小朋友行路辛苦, 一車車晒三個小朋友, 此乃中國獨門絕技之一, 摩托車奇景  :)

我地今日既節目係去總工會

唔講唔知呢度要會員先入得

總工會可以俾會員黎游水, 浸溫泉, 按摩, 瞓覺睇電視, 仲包晚餐, 都只係 $40, 平到震

小慈幾嘆~~

呢度真係好正呀!

平安夜浸溫泉, 真係好爽!

尋根 Day 1

估都估唔到我地會舉家回鄉....  就係呢個聖誕節, 好似主耶穌快要出生前, 約瑟同馬利亞返番去伯利恆登記姓名戶籍一樣, 我地郭氏家族為著嫲嫲既緣故, 都返回出生地, 舉家回鄉去咯!

今次乘搭既交通工具係 -- 火車!  先去落馬洲, 轉乘深圳鐵路, 再搭動車

專登提前出發, 就係想避開公眾假期人山人海

過左呢條河就離開香港喇, 小明第一次返大陸

第一次搭深圳鐵路, 周圍熟口熟面因為都係由港鐵管理, 不過我地覺得係人既問題令服務有明顯既差別, 至少, 香港未試過列車到站時因為車門同幕門對唔岩位而開唔到, 係 5 分鐘都開唔到門 @.@

由福田口岸搭 4 號線去深圳北站

車程半個鐘, 我地準備搭動車時偶遇龍華特警

動車, 因為車速唔夠 300 公里, 要超過 300 先可以叫高鐵

動車 -- 和諧號 ^^

爺爺話動車上面既野又貴又唔好食, 於是我地買深圳麥當勞, 證實左同香港係唔同味既

動車要搭 3 個鐘頭零 15 分鐘, 比起以前坐直通巴士要 12 個鐘, 科技進步左好多

到喇~~~  尋根之旅, 正式開始!!

第一站, 表叔帶我地去食地道豆花

即係豆腐花, 不過係咸食既

表叔, 即是爸爸個表弟, 出手闊綽, 材料多到見唔到豆花!

去酒店放好行李, 我地呢幾日就係住呢間華僑飯店, 岩晒我地呢班華僑 :)

漳州係出產水仙花既地方, 一坐低就見到, 好開心

我地既商務客房

$300 一晚真係超平, 小慈小明笑到飛起, 因為沖緊涼可以見到係床睇電視既媽媽

第一晚去二姨屋企黐餐, 飯前小食, 食花生都飽

二姨, 即是嫲嫲既二家姐, 好客氣, 煮到成枱都係餸, 超豐富

是日驚喜, 坐摩托車

High 到唔捨得落車!

科大遊

好耐冇返黎科大玩喇, 大草地係小朋友放電既好地方 ^^

偶遇國父孫中山先生

天一泉經常不定時開放, 今日竟然噴水

不經不覺天一泉已經有十幾年歷史

一個見到水就開心到傻左既小朋友

唔叫停的話, 小明絕對係會跳入水池

叫住都係玩到濕晒  >.<

科大教學大樓

圖書館新翼

今日有展覽

呢個畫展好靚呀!

應節

我都好鍾意螺旋形樓梯的, 一直行一直行就可以上天堂既感覺 ^^

真既聖誕樹, 好香

雨傘係近期敏感既字眼