尋回鼠麴粿的飄香

第一次去荃灣大會堂, 因為我地今晚要參與教會既重頭節目

會慶劇 - 尋回鼠麴粿的飄香 ^^

小慈小明好心急, 因為有佢地好鍾意既建衡哥哥靜恩姐姐上台表演

鼠麴粿 Ci Kak Gue 係潮州食品，又名鹹龜粿或艾草粿、草仔粿、青草粿、刺殼粿。鼠麴草是一種藥草，具有鎮咳祛痰降低血壓及鎮痛之用，屬菊科一年生的草本植物，生黃色的花，全株都密佈白色細毛，觸感柔軟細緻，喜歡生長在潮濕鬆軟的泥土，常常在田地、菜園或屋子角落見到。將鼠麴草既嫩莖葉搗汁揉入糯米糰再蒸熱變成粿，內餡包入碎豬肉、蝦米、蘿蔔絲乾等材料，大部分吃起來是鹹味的，是一種最普遍最受歡迎的保健食品 (圖片來自網上資料)

7 年資料搜集 + 6 個月既排練, 我地熱切期待中

來自 16 間教會, 73 位演員及幕後工作人員, 陣容鼎盛 ^^

教會旁邊既合成士多都有出現, 佈景組你地好犀利呀!!!

九龍城潮語浸信會 75 年歷史化成 75 分鐘話劇, 非常非常精彩~~

你地做得好好呀!!!!

令人感動~~~

好多人捧場  :)

呢個就係小慈小明最鍾意話佢好攪笑既建衡哥哥, 今次既演出都有爆笑位, 小慈即刻望住我話: "都話佢好攪笑架啦!"  :)

小慈話:  太少喇!  靜恩姐姐出得兩次場, 太少喇!  應該要做耐 d !

小柔嫲子, 你做得好好呀!!  一個慈祥既嫲嫲令人忍唔住要親近

老中青三位小柔

演出大成功!  感恩滿滿

婷婷姐姐把聲真係甜到不得了, 超級好聽 ^^

天父必看顧你, 時時看顧, 處處看顧, 衪必要看顧你, 天父必看顧你

大家都讚小慈小明咁細個坐定定睇晒成套話劇好乖

Peter 叔叔本來想一手抱起一個, 小慈小明已經唔輕, 唔好亂黎呀  >v<

無懼時代變遷, 昔在今在永在的天父必處處看顧, 過去 75 年如是, 以後更多 75 年, 主必看顧 !!

感恩, 感動, 感謝  Amen

變色龍

因為 Jimmy 糧盡, 又有機會俾弟弟出金魚街行下

今日見到呢條變色龍係度抹玻璃, 笑死了 >v<

第一次咁近距離接觸, 佢 d 手指真係好攪笑

清潔兔籠既職員岩岩走開左, 弟弟二話不說走埋去摸賓尼兔一下 ^^

遍地烏龜

呢幾隻蟹仔合作大逃亡中  >v<

忍唔住喇!  忍唔住買盆現成既怕羞草返屋企, 之前既種子種極都係一發芽冇耐就夭折, 希望呢盆怕羞草捱得過冬天啦~~

怕羞草又名含羞草, 英文名係 Mimosa Pudica, 喜光但避免陽光直曬

你睇我地個窗台仔幾欣欣向榮 ^^

左起: (1) 成日都開花既有邊紫羅蘭   (2) d 葉多到要剪而家浸緊根既紫羅蘭葉   (3) 新寵怕羞草   (4) 由種子種起既蒲公英   (5) 最右邊影得幾塊葉既係發財樹, 非常粗生唔理佢都唔死  :p

呢位就係非常有性格既 Jimmy,  開飯喇喂~~

買左間新屋同踏腳石俾佢之後就升左自己上山頂, 好大力, 小慈小明用 d 棋呀, 濕紙巾壓住佢怕佢破頂而出, 不過估佢都應該就黎冬眠開始唔係點郁

油出開心笑臉

香港有個龍獅節, 今年攪左個油出開心笑臉比賽, 將大頭佛改頭換面, 發揮創意

小慈小明都有參加

兩姐弟既作品都好可愛呀

畫室有 41 位 同學參加, 呢度係部份既作品

Kelvin 哥哥非常好心機將每份作品同原創人影相

郭恩明第一次參加畫畫比賽 ^^

入圍既 500 份作品會係荃灣新天地同埋文化中心展出, 俾大家欣賞  :)

巨龍傳奇

弟弟係突然間對恐龍產生興趣, 再加上暑假入院時姑娘借左盒恐龍玩具俾佢玩之後更加熱切 ^^  風聞科學館有恐龍大製作, 跟住就周圍見到 poster 非常吸引, 展期由今年 11月8日去到出年 4月9日, 但我好驚遲 d 展品爛晒壞晒唔好玩, 趁小慈校慶放半日, 拿拿聲請假希望平日入去少人 d 鬆動自在 d  :)

低估恐龍既吸引力, 星期一既下午都係要排隊入場, 不過好抵, 我地一家四口買博物館全年通行證 $200 睇恐龍就唔駛再俾錢, 即時生效, 之後張通行證仲可以去全港 7 間收費博物館, 包括香港藝術館、香港歷史博物館、香港文化博物館、香港科學館、香港太空館、香港海防博物館及孫中山紀念館, yeah!

通識教育之一, 搭港鐵有指示直達香港科學館

嘩~~~ 後面個隻咩黎架?!

30 米長, 至少 2 層樓咁高既炳靈大夏巨龍, 仲識郁識叫架!!

人幾咁渺小

劍龍一家三口, 弟弟問佢地會唔會衝出黎架?  我話: "唔會啦!  佢地怕你入去攪佢多 d"

翼龍, 淨係係門口已經見晒最經典既恐龍, 小慈小明 high 爆

邊個漏左隻腳係度?

入場了~~  好震撼, 一入去已經見到有好幾款恐龍頭識郁!  呢隻埃蒙頓龍每日要食 1000 個蘋果  @.@

恐龍之中既惡霸, 有名你叫既暴龍呀!!!!

佢碌脾咁粗唔怪得行一步都地震, 不過佢對眼淨係睇到郁緊既野, 你唔郁係冇事既

恐龍中既惡霸亞二, 速龍都有得玩?

原來羅支司令捧去辣熨佢, 好玩好玩!  兩姐弟笑到好大聲

三角龍呀!  佢個樣好惡但其實佢好乖

仲係好媽媽會陪住照顧自己既 bb

屁屁鎗, 對住三角龍噴幾下佢就會企起身放屁, 笑死兩姐弟 ^^

呢隻表情痛苦既叫禽龍

竊蛋龍其實係好龍黎架, 佢唔係偷人地既蛋黎食, 係幫人哺埋蛋先真, 真係講都唔信

製作龐大, 有埋 video 俾你睇點解恐龍會係地球上消失

考古證實恐龍既存在, 小慈小明要扮考古學家掘番 d 恐龍骨出黎

出土既恐龍骨需要非常小心保護, 每塊骨都要用特製既廂包裝運送

考古學家真係超級犀利, 逐塊骨咁砌晒成隻恐龍出黎!  呢隻巨型祿豐龍係中國發現架

呢個表, 太複雜, 唔識睇 >.<

不經不覺已經行到最後一個展區

勁多骨

大到影唔晒

名符其實扭蛋, 扭到唔同 size 既恐龍蛋就會有唔同既恐龍出世

呢部機好好笑, 明明係一副骨, 俾部機對準就會彈左個頭出黎, 即係佢未變骨之前既真身係咁樣既, 笑死 ^^

展館仲有其他野玩

但我地已經行左 4 個鐘頭, 腳仔軟, 下次再黎過啦!

好精彩, 好好睇, 值得入場呀!!!

牙仔

由 2012 年平安夜小慈 6 歲 8 個月大開始, 小慈 d 牙都係甩一隻出一隻咁好守規矩 ^^

(1) 2012 年 12 月 24 日 6 歲 8 個月

例行檢查時牙醫姨姨發現小慈已出第一隻恆齒 (右下顎門牙), 同日剝埋 BB 右下顎門牙

(2) 2013 年 1 月 1 日 6 歲 8 個月

爸爸親手為小慈剝埋另一邊勁鬆既左下顎門牙, 同日同一位置恆齒又出緊一點白色

(3) 2013 年 1 月 13 日 6 歲 8 個月

勁勇敢既爸爸再次為小慈剝勁鬆既左上顎大門牙, 又係出埋一點恆齒, 3 個大洞冇牙食野喇  >.<

(4) 2013 年 1 月 30 日 6 歲 9 個月

小一牙科保健, 小慈話俾診所醫生聽佢既右下犬齒勁鬆 (主要因為出兩隻下顎門牙恆齒太大隻令到周邊 d 牙鬆晒) 用條脷一頂就甩左 @.@ 因為唔經牙醫手所以當自然脫落 ^^

(5) 2013 年 5 月 25 日 7 歲 1 個月

停左幾個月, 小慈上面右邊個隻大門牙甩極都甩唔到, 3 鬆 3 緊過晒都未甩, 仲發現原來恆齒都出埋!  兩隻新舊大門牙 double 拍住上小慈嗌痛太實爸爸又剝唔到, 即刻去牙醫度緊急剝左佢  @.@

(6) 2013 年 11 月 9 日 7 歲半

玩玩下突然間小明大叫: "小慈家姐甩左隻牙呀!!"  小慈自己頂甩鬆左一排既左下犬齒, 因為太鬆連血都少好多, very good!!

暫時戰績係甩 6 隻出 4 隻, 上面同下面既門牙都出晒恆齒, 好大隻兔仔牙, 而家笑起上黎冇洞架喇  :)