一年兩次既牙齒檢查, 鑒於牙醫姨姨真係好難預約, 唯有向學校請假睇牙醫啦!
唉~~ 見到小慈 d 牙仔黑黑地都有 d 擔心, 果然連另一隻門牙都蛀埋喇!! 牙醫話小慈擘大口瞓覺, 有霞氣冇口水係容易有蛀牙!! 而家 5 歲, 個蛀牙位唔算好大, 睇定 d 唔好攪佢住 @.@
已經用晒牙線, 早晚擦牙, 一食完野就飲水都蛀, 真係無話可說!! 牙醫話有 d 人係好容易蛀牙, 做幾多野都冇用! 睇得出我地有做野, 因為其他牙一 d 事都冇淨係蛀門牙後面, 肯定關瞓覺事!! 冇計, 唯有繼續觀察!
小慈完全唔抗拒睇牙醫, 因為牙醫次次檢查完都送手套 balloon :) 小慈仲好乖咁要求牙醫吹兩個因為弟弟係出面等緊佢! 牙醫見小慈咁有禮貌又愛錫弟弟就請埋小明入黎, 兩個當牙醫張椅係機動遊戲!
檢查完跟住洗牙, 小慈真係好勇敢好合作! 洗完牙又非常好記性要求姑娘俾 d 大牙佢玩
恆齒有 28 隻, 出埋 4 隻智慧齒就 32 隻! 小朋友乳齒有 20 隻
佢地叫手套 balloon 做雞雞 balloon, 玩到不亦樂乎
小慈好奇我係邊度返工, 於是帶佢上去坐下我個位, 順便探下 d 同事, 收取大量糖果餅乾
小坐片刻, 著晒米奇衫就知我地仲有下場啦! 全年通行證既會員每年都可以免費帶一位 VIP 入樂園玩, 今年攪笑地俾 $80 可以帶 2 個人, 既然全家都請左假, 就帶埋工人姐姐暢玩一天, 不過姐姐好怕羞唔肯上鏡~~
排隊換 $80 飛既時候, 鴛氣姐弟心情超靚又嘴咀
天氣熱呀今日! 呢度既太陽唔係人咁品!
睇完 Golden Mickey, 小明已經力不從心要小睡片刻! 小明呢方面真係乖過小慈好多, 攬一攬佢就即刻瞓著, 瞓左又可以放低! 小慈個時又抱又跳又唱歌先肯瞓, 郁一郁膊頭擰一擰轉面都整醒佢架!
快叉 45 分鐘又玩過
開心到周圍咀人
Magic Moment 扮曳曳史迪仔
到小慈
Mickey 呀
森林河流之旅係兩姐弟近期既飛弗
弟弟最鍾意見到 elephant
一定要探泰山架!
小慈將 Golden Mickey 既金條放晒上身, 扮到靚一靚咁等火車
32 度高溫唔玩水對唔住自己
大頭 B 真係好可愛
又要玩又要驚既小慈
豪邁奔放既弟弟玩到成身濕晒都冇有怕!
仲飲左唔少水 @.@
今日又氹到爸爸買禮物, 你睇小明開心到攬住唔放
新成員 -- 薯蛋頭先生
今日好盡慶成個樂園玩晒咁滯, 有姐姐幫手本應輕鬆好多, 但點解我返到屋企成身散晒, 手腳完全冇晒力變左義肢咁架?!!??
